Мұнда IT-park, антикафе, интернет, кітапхана, жаттығу залы тәулік бойы жұмыс істейтін болады.
Қызылорда облысының әкімі Қырымбек Көшербаев облыс жастарын заманауи ресурстық орталықтың ашылуымен құттықтады.
«Әрине, аға ұрпақтың ізгі ісі – жастарға оң тайлы жағдай жасау. Биылдың өзінде аймақта мемлекеттік жастар саясатын жүзеге асыруға 500 млн-нан аса қаржы қаралса, Қазақстан Республикасының Тұңғыш Президенті, Елбасы Нұрсұлтан Әбішұлы Назарбаевтың жариялаған биылғы Жастар жылына орай қосымша 70 млн. қаржыға жаңа бастамалар бірінші кезекте қолдау тапты»,-деді аймақ басшысы.
Жастар орталығы ғимараты бизнестің әлеуметтік жауапкершілігі негізінде «ҚазГерМұнай» біріккен кәсіпорны» ЖШС демеушілік қолдауымен пайдалануға беріліп отыр.
