Алтай ауданының Маяк ауылында «Рухани жаңғыру» бағдарламасы аясында Ұлы Отан соғысы ардагерлеріне арналған еңселі ескерткіш бой көтерді. Ескерткішті өз қаржысына тұрғызған – осы ауылдың тумасы, бүгінде Өскеменде тұратын Александр Тойбазаров. Алтайлық азамат ескерткіш тұрғызумен шектелмей зерттеу жұмыстарын жүргізіп, майданда қаза тапқан 27 жауынгерді тауыпты. Ауыл тұрғындары түгел жиналған тағылымды шараға Алтай ауданының әкімі Нұржан Тоқсейітов қатысып, жылы лебізін жеткізді.
Шығыс Қазақстан облысы,
Алтай ауданы
