Қоғам • 10 Мамыр, 2019

Павлодар облысында 72 соғыс ардагеріне 500 мың теңгеден сыйақы берілді

910 реткөрсетілді

Мереке күніне орай 72 соғыс ардагерінің әрқайсысына 500 мың теңге сыйақы берілді.

-Өкінішке қарай, соғыс ардагерлерінің қатары азайып келеді. Ал, аталарға құрмет көрсету-парыз деп білеміз, -деді облыс әкімі.

Өңірде   көзі тірі  қалған  72  соғыс ардагерінің бірі-Успен ауданы Бұласу ауылында тұратын 93 жастағы Михаил Топтун авиациялық әскерде қызмет еткен. Жапон империалистеріне қарсы ұрыстарға қатысқан.

Облыс әкімі  Болат Бақауов соғыс ардагерімен  әңгімелесіп,  9 мамаыр мерекесімен  құттықтады. Бұдан кейін облыс орталығында ауруханада емделіп жатқан 97 жастағы майдангер Бекболат Хазыровқа келіп, хал-жағдайын біліп, ілтипат жасады. 

-Ауруханада барлық жағдай жасалған, медициналық қызметке көңіл толады. Дәрігерлерге рахмет,-деді Бекболат ата. Ақсу қаласында Болат Бақауов соғыс ардагерлері Құдайберген Қапсалямов пен Кирилл Винокуровты мерекемен құттықтады.

Железин ауданы Михайловка ауылында облыс әкімін 95 жастағы Кузьма Чуйкин күтіп алды. Кузьма Иванович Қалмақ даласын, Ростов, Харьков және Донецк облыстарын азат етуге қатысқан екен.

- Колхоздағы ауыр жұмыс ұрыс даласындағы қиындықтарды еңсеруге көмектесті, - дейді майдангер.

Бұдан кейін Екібастұз қаласында тұратын 95 жастағы Октябрина Борисова облыс әкімі бастаған топты өзі күтіп алып, өлеңін оқып берді.

- Аспанымыз ашық болып, жұлдызымыз биік жансын. Мереке күні құтты болып, соғыс болмасын, - дейді Октябрина Илларионовна.

Болат Бақауов Баянауылдың шалғай ауылында тұратын 94 жастағы Бірімжан Мағаз ақсақалды да құттықтап қайтты. Мағаз ата өмір бойы туған жерде еңбек етіп келеді. Қазір майдангер қарт кенже ұлының отбасымен Бәйтеке қыстауында тұрып жатыр. Мереке қарсаңында майдангердің ұрпақтары да жиналыпты.

- 9 мамыр-біздің отбасымыз үшін күнтізбедегі басты күннің бірі. Бәріміз жиналып әкемізді мерекесімен құттықтаймыз, - дейді ардагердің ұлы Баянбек Бірімжанов.

Соңғы жаңалықтар

Коронавирустан тағы екі адам айықты

Коронавирус • Бүгін, 22:10

Бір күнде 516 мәрте заң бұзылды

Қазақстан • Бүгін, 20:29

Тәлкекке түскен тағдыр

Әдебиет • Бүгін, 18:36

Құбылыс

Руханият • Бүгін, 17:44

Атымтай жомарттар аз емес

Қазақстан • Бүгін, 17:43

Ұқсас жаңалықтар