Облыс орталығында Nur Otan партиясы кандидатының қалалық қоғамдық штабының мүшелері мен сенімді өкілдерімен кездесу өтті.
Суретті түсірген Оразбек Саяхат
Nur Otan партиясы ұсынған Президенттікке кандидат Қасым-Жомарт Тоқаевты қолдау мақсатындағы жиынға қалалық мәслихат депутаты Қобыланбек Қожин, өңірдегі медиация орталығының жетекшісі Ольга Николашина бастаған сенімді өкілдер сөз сөйлеп, алдағы 9 маусымда елімізде кезектен тыс өтетін Президенттік сайлауға қатысудың маңыздылығын, лайықты кандидатқа таңдау қажеттігін атап өтті.
Ал, Nur Otan партиясының мүшесі, «Павлодар мұнай-химия зауыты» ЖШС бас директоры Оспанбек Әлсейітов болашақ үшін дұрыс таңдау жасау керектігін айтты.
- Біз қазір дұрыс бағытта келе жатырмыз. Елімізге осы бағыттан өзгеруге болмайды. Елбасы бастаған жолы ары қарай жалғасын табуы тиіс. Сол себепті, болашақ үшін дұрыс таңдауға тиіспіз, - деді Оспанбек Әлсейітов.
Сонымен бірге, С. Торайғыров атындағы облыстық кітапханада сайлауды бақылауға келетін Халықаралық байқаушыларға көмек көрсету орталығы ашылды.
Орталық мүшесі, ғалым Ғани Елмұратовтың айтуынша, облысқа 400-ге тарта бақылаушы келмекші.
Орталықта сайлауға шетелден келетін бақылаушыларға орталық жұмыс жасауға арналған құрал-жабдықтармен жабдықталып, интернет желісіне қосылған.
Бүгін Карина Ибрагимова финалда бақ сынайды
Спорт • Бүгін, 09:13
Батыс Қазақстан облыстық мәслихатына кімдер сайланды?
Сайлау • Кеше
Түркістан облыстық мәслихатына сайланған депуттар кім?
Сайлау • Кеше
Ұқсас жаңалықтар
