Аймақтар • 17 Мамыр, 2019

Бала құқықтары жөніндегі уәкіл Сәуле Айтпаева Жамбыл облысына жұмыс сапарымен барды

718 реткөрсетілді

Сенат депутаты, Қазақстан Республикасындағы Бала құқықтары жөніндегі уәкіл Сәуле Айтпаева жұмыс бабындағы сапармен Жамбыл облысында болды. Бұл туралы Парламент Сенатының баспасөз қызметі хабарлады.

С.Айтпаева сапар барысында құқық қорғау органдарының, білім беру, денсаулық сақтау, әлеуметтік қорғау, үкіметтік емес ұйымдарының, ата-аналар қоғамдастығының өкілдерімен және балалармен кездесті.

Уәкіл сапар аясында өмірде күрделі жағдайда жүрген балаларды қолдау орталығында, жасөспірімдер мен балалар үйлерінде, девиантты мінез-құлықты балаларға арналған арнаулы мекемеде, «Қамқор жүрек» қоғамдық қорында болды.

Кездесулер барысында бала құқықтарындағы ең жақсы мүдделерді қамтамасыз ету, жетім балалардың тұрғын үйге құқықтары, кәмелетке толмағандардың бос уақытын ұйымдастыру, тәрбие және ата-ананың жауапкершілігін арттыру мәселелері талқыланды.

С.Айтпаева ата-аналар үшін ең дана мұғалім бала екенін атап өтті. «Шыдамдылық, ұстамдылық, махаббат пен сыйластықты біз одан үйренуіміз керек. Пайдалы сабақты тек біздің баламыз ғана бере алады», деді Бала құқықтары жөніндегі уәкіл.

Кездесу барысында өңірдегі кәмелетке толмағандардың құқықтарын қорғау және қамтамасыз ету, балалар арасындағы құқық бұзушылықтың алдын алу, денсаулық сақтау, сондай-ақ жетім балалардың құқықтарын сақтау мәселелері талқыланды.

Жұмыс сапарының қорытындысы бойынша Бала құқықтары жөніндегі уәкіл барлық мүдделі органдарға, жастар қанатына өсіп келе жатқан ұрпақтың игілігі үшін барлық қажетті шараларды қолдана отырып, балалардың қауіпсіздігін қамтамасыз ету жөніндегі әрекеттерді үйлестіруді тапсырды.

Баннер
Соңғы жаңалықтар

ҰБТ сынағы қалыпты өтуде

Қазақстан • Кеше

БАҚ өкілдерін құттықтады

Қазақстан • Кеше

Көмек көрсетуге шақырды

Аймақтар • Кеше

Өткінші дүние

Руханият • Кеше

Төрлетіңіз, Би-аға!

Аймақтар • Кеше

Ұқсас жаңалықтар