"Жаһандық салыстырмалы артықшылыққа қол жеткізуде балық өнімдерінің экспортын қажетті деңгейге дейін ұлғайту зор мүмкіндік болып табылады. Бұл индекс елдің тауар экспортының халықтың жан басына шаққандағы орташа әлемдік көрсеткішке арақатынасын өлшейді», - дейді облыстық ауыл шаруашылығы басқармасының басшысы Бақыт Жақанов.
Ауыл шаруашылығы басқармасы мәліметі соңғы бес жылда Қызылорда облысының агроөнеркәсіптік кешенінің қарқынды дамуы байқалатындығын аңғартады.
Мәселен, негізгі капиталға салынған инвестициялардың нақты көлем индексі 27 есеге артты.
Аймақ экспортының шоғырлану деңгейін талдау соңғы бес жылда экспорттың әртараптандырылуын көрсетеді. Осылайша, экспортталатын ауыл шаруашылығы өнімдерінің түрлері 5 есеге өсті.
Өткен жылы экспортталған ауыл шаруашылығы өнімдерінің көлемі 34,5 млн.долларды құрап, 2013 жылмен салыстырғанда 1,5 есеге өскен.
Қызылорда облысы.
