194 шақырымға созылған «Корольдік» таулы кезеңді Бильбао бес сағат, 46 минут 02 секундта жүріп өтті. Жеңімпазбен бір уақытта мәре сызығын кескен «Movistar» өкілі Микель Ланда екінші орынды иеленсе, үздік үштікті «Trek-Segafredo» спортшысы Джулио Чикконе қорытындылады. Ол жеңімпаздан 2 секунд қалып қойды. Сондай-ақ «Астана» командасының капитаны Мигель Анхель Лопес бұл кезеңді 18-ші орынмен аяқтады.
Ал веложарыстың жалпы есебінде эквадорлық Ричард Карапас («Movistar») – 89 сағат, 38 минутпен көш бастап тұр. Екінші орында италиялық Винченцо Нибали («Bahrain Merida») (+47 секунд) болса, үшінші сатыда Микель Ланда («Movistar») (+1:47 минут) келеді. «Астана» капитаны Лопес алтыншы орында (+7:18). Айта кетейік, бұл «Астананың» «Джиродағы» үшінші жеңісі. Бұған дейін Дарио Катальдо 15-ші, Пельо Бильбао жетінші кезеңде жеңімпаз атанған болатын.
