АҚШ-тың Нью-Йорк қаласындағы Таймс-Сквер алаңында өткен ашық жаттығуға Головкиннен бөлек, бокс кешінің андеркардында жұдырықтасатын отандасымыз Әли Ахмедов және тағы бір жерлесіміз Бақтияр Эюбовтың қарсыласы Брайан Себальо қатысты. Ашық жаттығудан кейін боксшылар жанкүйерлермен бірге фотосессия жасап, қолтаңба қойылған естелік бұйымдарды да сыйға тартты. Сондай-ақ Головкин АҚШ-тағы қазақстандық жанкүйерге тегін билет сыйлады.
Айта кетейік, Геннадий Головкин мен Стив Роллс арасындағы айқас 9 маусымда АҚШ-тың Нью-Йорк қаласындағы Madison Square Garden аренасында өтеді. Кездесу 12 раундқа жоспарланған.
