УЕФА клубтар рейтингінде Мадридтің «Реал» командасы 146.000 ұпаймен алты жылдан бері көшбастап келеді. Екінші орынды Испанияның тағы бір командасы – «Барселона» (138,000) иеленсе, үздік үштікті 128,000 ұпайы бар Германияның «Бавария» клубы қорытындылап тұр.
Ал қазақстандық командалар арасындағы ең үздік көрсеткіш елорданың «Астана» командасына тиесілі. Былтыр Еуропа лигасының топтық кезеңінде сынға түскен «Астана» УЕФА клубтар рейтингісінің 2018 жылғы нәтижесімен салыстырғанда 10 саты жоғарылап, 57-ші орынға тұрақтады. Қоржынында 27.500 ұпай бар. Алматының «Қайраты» 2,000 ұпаймен 208-ші, Қостанайдың «Тобылы» (1,500) 260-шы орында тұр.
