Аймақтар • 06 Маусым, 2019

Ойыншықтар ой салады

1546 рет
көрсетілді
1 мин
оқу үшін

Балалардың ойыншығы – өмірдің кішірейтілген нұсқадағы көрінісі іспетті. Өйткені олар ұлттық дәстүр мен географиялық ерекшеліктерді бейнелейді. Тіпті ойыншықтарды кез келген мәдениеттің маңызды құрамдас бөлігі деп те сеніммен айтуға болады.

Ойыншықтар ой салады

Кеншілер астанасын­да­ғы облыстық тарихи-өл­­кетану мұражайында өт­­кен «Мұражайдағы ой­ын­­шықтар әлемі» атты көр­менің ашылуы ба­рысында шараны ұйым­дас­тырушылар осындай пікірлерді алға тартты.

Мұражайдың ғылыми қыз­­меткері Динара Са­­қымбай ойыншықтарды таңдаудың зор жауап­кер­шілікті талап ететінін айтады. Онымен баланы қы­зық­тырып, алдарқатып қа­на қою аздық етеді екен. Мысалы, ойыншықтар ба­­лалардың әлем туралы тү­сінігін бұрмаламай, ке­рі­сінше оны дамытып, жан дү­ниесін байытуы тиіс.

– Ең көне ойыншық­тардың бірі – қуыршақ. Көр­меге кеңес дәуіріндегі және 90-жылдардың ба­сын­дағы ойыншықтар қойыл­ды, – дейді ғылыми қыз­меткер.

Көрмеде мұражай қыз­меткерлері әр жылдары жи­наған 115 ойыншық ке­лушілер назарына ұсы­нылды. Олардың ішіндегі ең көнесі – емен ағашының жоңқасымен толтырылған 1964 жылғы пүліш аю болып шықты.

Ойыншықтардың басым бөлігін белгілі бір оқи­ғаларға орай жасал­ған­дары құрайды. Мысалы, 1980 жы­лы Мәскеуде өткен Олим­пиада додасы және бас­қа да айтулы даталар та­қы­рыбына арналған ой­ын­шықтар көзге бірден түсіп, назарды еріксіз аударады.

Сонымен қатар көр­ме­де өткен ғасырдың 80- жыл­­дары облыстағы Оса­каровка жиһаз фабрикасында ағаштан жасалған ой­ыншықтар – «Чайка» ті­гін машиналарының мо­дель­дері, жүк көліктері, бал­дыр­ғандардың жиһаз­дары келушілерге кә­дім­гідей ой салып, кешегі та­рихқа баланың көзімен үңі­луге жетелейді. Қиялдың қанатына міндіріп, балалық балдәурен шақтың сиқырлы әлеміне саяхаттап қайтуға шақырады.

 

ҚАРАҒАНДЫ