Медициналық мекемелердің жабдықталуына 5,2 млрд теңге бөлінген

Айта кеткен жөн, жаңа облыс­тың денсаулық сала­сын­дағы құрылымдық өз­герістері тұрғын­дардың ме­дициналық қызмет алуына кедергі болған жоқ. Об­лыс орталығында бірқатар медициналық мекеме ашылды. Атап айтқанда, облыстық ме­дициналық жедел жәр­дем стансасы­ құ­рылып, оның аудан-қала­лар­дағы фи­лиал­­дары іс­ке қосылды. Сон­дай-ақ об­лыс­тық СПИД ор­талығы ашыл­ды.­ Он­ко­ло­гиялық диспансер Шым­кент қалалық мекемесіне ай­­нал­ған соң об­лыстық кли­никалық ауру­ханасы базасында он­ко­логиялық емханамен бірге науқастардың жатып ем қабылдауына ыңғай­лы болуы үшін арнайы бөлім қызмет көрсете бастады. Аудан­­дық ауруханалар базаларында инфекциялық бөлімшелер құ­рылды. Об­лыс әкімі Өмірзақ Шө­кеев денсаулық сақтау са­ла­­сы­на қолдау көрсетіп, қыз­мет сапасын арттыру мақ­са­тында 1 миллиард теңге бөлдірген. Ол қаржыға алын­ған 500 тоңазытқыш аудан-қалалардағы медици­на­лық­ мекемелерге беріліп­ті. Сон­дай-ақ аудан орталық­тарында істемей тұрған же­дел­сатылар қайта қо­сы­­луда, әзірге 12 ауданға лифт алынған. Жыл соңына дейін бәрі жаңаланбақ. Бұ­дан бөлек, об­лыстық ме­ди­циналық жедел жәр­дем­ стансасына, аудандық ауру­­ханаларға, барлығын қосқанда 46 жедел жәрдем көлігі беріледі. Бүгінгі таңда қаржы қаралып, сатып алу процесі жүріп жатыр.

Облыстық денсаулық сақ­­тау басқармасының басшы­сы Мұқан Егізбаевтың айтуынша, медицина ұйымда­рының жабдықталуы –
68,75 %. Биыл медициналық ұйым­дардың материалдық-тех­никалық жабдықталуына 5,2 млрд теңге бөлінген. «Оған Түр­кістан қалалық ор­талық ауру­ханасында ком­пьютерлі томограф сатып алып орна­­туда­мыз. Таяуда аталған емдеу меке­месінде инсульт ор­талығын іс­ке қосатын боламыз.  Облыс ор­талығында бұрын мұндай меди­циналық аппарат болмаған. Сосын дәл осындай томограф Шардара аудандық орталық ауруханасында да орнатылып, ел игілігіне берілетін болады. Ол жерде де инсульт орталығы жұмысын бастайды. Қазір бізде 7-8 ауданда компьютерлі томограф бар, инсульт орталықтары тұрғындарға қызмет көр­сетуде. Мұның бәрі соңғы жылдары ат­қарылған шаруа­лар, пациенттерге жасалған жағдайлар», дейді бас­қарма басшысы.

Сондай-ақ аудандық ауруханалардың жан­сақтау бөлімшелері ЭВЛ, наркоз, лапороскопиялық аппараттармен қамтылуда. Биылдан бас­тап облыстағы аудандардың жар­тысы­нан көбінде оталар лапорос­копиялық әдістермен жасалатын болады. Яғни тілмей, кеспей жасалатын оталарды енді аудандарда да жасауға мүм­кіндік бар. Өңірдегі бар­лық ем­ханалар мен ауруха­наларда ақпараттандыру жүйесі 100 пайыз енгізілген. Об­лыс тұр­­­ғындарының  элек­­тронды денсаулық пас­порт­тары жасақ­талған.

Жоғарыда айтып өтке­німіздей, Түркістан қала­сында және аудандарда ден­сау­лық сақтау нысандары көптеп салына бастады. Мы­салы, облыс орталығында 610 төсек-орынды көпсалалы аурухана салынады. Ме­дици­налық кешендегі құ­рал-жабдықтар еуро­палық үлгіде болмақ. Бү­гінд­е ке­шен­нің жобалық-сме­талық құжаттары әзірлену үс­тінде, жер телімі бөлінген. Бұ­дан бөлек, Түркістанда облыс­тық психикалық денсаулық ор­та­лығы ғимараты бой кө­­­тереді. Жаңадан құ­­­­рыл­ған қан орталығы, меди­ци­налық же­дел жәрдем стан­­сасы және об­лыстық СПИД орталығының ғи­мараттарымен қатар тағы бір үл­кен емхананың құрылысы бас­талмақ. Ал Ордабасы ауданында облыстық туберкулезге қар­сы диспан­сер салынады. Шар­дара, Же­тісай, Мақтаарал, Келес, Сарыағаш аудандарының 800 мың тұр­ғынына бір пери­наталды ор­талық қажет­тігі еске­ріліп, бұл нысан Са­ры­­ағашта бой көтер­мек. Бү­­гін­де облыстық перина­талдық орталыққа жер телі­мі белгіленген, жобалық-сме­талық құжаттары дайындалуда. Осы жылдың екінші жартысында іргетасын қалау көзделіп отыр.

Қолжетімді медицинамен­ шалғай ауылдардың тұрғын­дарын қамту үшін 64 модуль­дік медициналық пункт­тер орна­тылған. Биыл да құрас­ты­рылмалы 20 медпункт салынбақ. Бұдан басқа, Ке­лес, Қазығұрт аудандық ауру­­ханаларының емханаларына қосымша ғимараттар салу қолға алынады. Өйт­кені облыста әлі де емдеу мекемелері жетіспейді. Со­сын заманға лайықты, медицина талаптарына сай ғи­ма­раттарды салумен қатар оларды білікті, кәсіби мамандармен қамту да маңызды. Бұл бағытта 100-ге жуық дә­рігер біліктілігін арттыру үшін медицинасы жақсы жол­ға қо­йылған алыс және жақын шетел­дердің клини­каларында тәжірибе алмасып қайтқан. Сон­дай-ақ ден­саулық сақтау басқар­масының шақыртуымен Оң­түстік Корея, Моңғолия, Гер­мания, Латвиядан ғалымдар, білікті мамандар жергілікті дәрі­герлерге дәріс оқуда. Олар ше­бер­лік сыныптарын өткізіп, түр­кістандық мамандармен бірге пациенттерді де қабылдап жүр. Осындай және басқа да игілікті істердің нәтижесінде өңірде жал­пы өлім-жітім көрсеткіші тө­мен­­деген. Облыстың барлық мед­ицина ұйымдарында жұ­мыс істеп жатқан ішкі аудит, меди­циналық көмек сапасын басқару қызметтері де сапаны арттыруға септігін тигізуде.

Айта кетелік, бүгінде облыс бойынша 4903 дәрігер ха­лыққа қызмет етіп келеді.  Ал орта буын медицина қыз­меткерлер саны – 17 115. Мамандықтар бо­йынша өңір­де 135 дәрігер жетіс­пейді. Бұл орайда өткен жылы жас мамандарды ынталандыру жұмыстары қолға алынған-ды. Ауылға баратын жас мамандарды қаржылай қолдау көлемі былтырғы 1 мил­лион теңгеден биыл 1,5 мил­лион теңгеге жет­кізілген. Со­ны­мен қатар оларды бас­панамен қамту және ком­муналдық төлемдерінің 50 пайы­зын төлеп беру жұмыс­тары жал­ғасуда.

Түркістан облысы