Аймақтар • 29 Маусым, 2019

Павлодарда World Robot Olympiad Ұлттық чемпионат өтті

403 реткөрсетілді

Облыс орталығында өткен бұл чемпионатты «Назарбаев Зияткерлік мектебі» Дербес білім беру ұйымының Бас орталығы ұйымдастырды.

Биылғы 27 сәуірде өңірде өтіп жатқан жарыстың аймақтық кезеңін жұмыс сапарымен облысқа келген кезінде Президент Қасым-Жомарт Тоқаев та келіп көрген еді.

Яғни, Ұлттық чемпионат-бұл жыл сайын Назарбаев Зияткерлік мектептері өткізетін робототехника бойынша WRO халықаралық кезеңінің іріктеу туры саналады.

Ал, биылғы Роботтық техникалар сайысының тақырыбы-«Ақылды қалаларға» арналған арнайы «Jasampaz» санаты аясында құрылды.

Робототехника  құрастырушылар  жобаларын «Ақылды қалалар» тақырыбына арнап, жаңа заман болашақтың  қалалары қандай болу керектігін жасайды.

Облыс орталығындағы Назарбаев Зияткерлік мектебінің директоры Ринат Жұмабаевтың айтуынша, биыл  чемпионат өткізуде бірқатар жаңашылдықтар енгізілген.

Алғаш рет облыс орталығында өткізіліп, тікелей онлайн-трансляция көрсетілді.

Жарыс   «Негізгі», «Шығармашылық», «Роботтар футболы» және «Jasampaz"» төрт бағыт  бойынша өтті.

Роботтық техникалар сайысына қатысқан 240 оқушы Үздік робототехник  атағы үшін өз шеберліктерін, біліктіліктерін сынға салды.  

Қатысушылардың жасы – 17 жасқа дейін, ең жасы – өскемендік Әмір Жаңабаев 8 жаста. 

Жыл сайын ауылдық жерлерден қатысатын жас робототехниктер саны көбеюде.

Биыл WRO-ға "Robotech" Майқайың кенті,«RoboReBoot»  Алматы облысы Алакөл ауданы Жыланды ауылы командалары қосылды.

Чемпионатқа Халықаралық және республикалық жарыстардың жеңімпаздары–Зияткерлік мектептің талантты оқушылары   Yakutsk International Science Fair-2018 гран – при иегері Нұрдәулет Таумергенов,  әлемдік топ-10 үздіктің қатарына енген Софья, робототехника бойынша түрлі конкурстардың бірнеше дүркін жеңімпазы, Елбасына «Робот-трубочист» жобасын таныстырған Қуаныш Маден қатысты.

Сөйтіп, WRO кубогы чемпионат қорытындысы бойынша Үздік команда абсолютті чемпиондықтың арнайы кубогы –Орал қаласындағы физика-математика бағытындағы Зияткерлік мектебіиеленді.

Бұл мектеп WRO–дан елімізде, әлем бойынша жоғары жетістіктер көрсетіп келеді. Робототехника курстары жүйелі жұмыс жасауда.

Чемпионатта WRO-ның басқа да жұлдыздары жоғары нәтижелер көрсетті.

Өткен жылы Тайландта өткен дүниежүзілік робототехникалық олимпиадада әлемдік топтың 10-дығына енген Көкшетаулық Софья Кокорина  бұл жолы да жеңіске жетті.

Шығармашылық категорияда талдықорғандық Даниил Филимоновтың «Робот-суретші» жобасы көпшілікті таңқалдырды.

Алматы облысы Алакөл ауданы Жыланды ауылының «RoboReBoot» командасы ауыл мектептерін қолдау арнайы марапатына ие болды.

«Creativity Award» аталымы бойынша жүлде Павлодар, «Girl power»Семей, ал «Engineering Simplicity Honors Award» Талдықорған зияткерлік мектепріне берілді. 

Үздік роботототехника білгірлері  медальдар, дипломдар және бағалы сыйлықтармен марапатталды.

Жеңімпаздар биылғы жылдың 14-16 қарашада Будапешт қаласында өтетін WRO – 2019 олимпиадасының әлемдік кезеңіне іріктеуге қатысады. 

Соңғы жаңалықтар

Ұқсас жаңалықтар