Президент • 01 Шілде, 2019

Президент «Қазақстан темір жолы» ҰК» АҚ Басқарма төрағасы Сауат Мыңбаевты қабылдады

262 рет
көрсетілді
1 мин
оқу үшін

Мемлекет басшысына темір жол көлігі саласының қазіргі даму жағдайы және келешегі туралы ақпарат берілді. Бұл туралы Ақорданың баспасөз қызметі хабарлады.

Президент «Қазақстан темір жолы» ҰК» АҚ Басқарма төрағасы Сауат Мыңбаевты қабылдады

Қасым-Жомарт Тоқаев еліміздің көлік-логистикалық әлеуетін арттыру, экспорт және транзит тасымалдарын ұлғайту, көлік қызметінің сапасын жақсарту қажеттігіне назар аударды.

Сауат Мыңбаев Түркістан облысы Арыс қаласындағы төтенше жағдай кезінде жолаушылар мен жүк тасымалдарын ұйымдастыру жөніндегі қабылданған шаралар туралы баяндады. Сонымен қатар, «ҚТЖ» ҰК» АҚ басшысы контейнерлік тасымалдар саласындағы жағдай, жолаушыларға қызмет көрсетуді жақсарту үшін жүргізіліп жатқан жұмыстар, операциялық іркілістерді азайту туралы мәлімет берді.

Кездесу қорытындысы бойынша Қазақстан Президенті бірқатар нақты тапсырма берді.