Мың асқанға – бір тосқан

Сейсенбі, 11 маусым 2013 2:31

Мальта соты Рахат Әлиевтің жылжымайтын мүліктеріне тыйым салды

Осы уақытқа дейін отқа салса күймей, суға салса батпай келген әйгілі Рахат Әлиевті шырылдап туғанында алған ата-тегін күрт өзгертіп жіберіп, әйелінің фамилиясына көшіп (о, тоба!) аяқ астынан Шораз болып шыға келгеніне, Австриядан қашып, Мальтаға барып паналағанына қарамастан, тиесілі жазасы қуа­лап жүріп тауып алды.
Forbes.kz басылымының де­ре­гіне қарағанда, арал-мемле­кет­тің қылмыстық сотының судьясы, доктор Майкл Малья 6 маусымда шешім шығарып, оны 7-сінде жариялаған.

Сейсенбі, 11 маусым 2013 2:31

Мальта соты Рахат Әлиевтің жылжымайтын мүліктеріне тыйым салды

Осы уақытқа дейін отқа салса күймей, суға салса батпай келген әйгілі Рахат Әлиевті шырылдап туғанында алған ата-тегін күрт өзгертіп жіберіп, әйелінің фамилиясына көшіп (о, тоба!) аяқ астынан Шораз болып шыға келгеніне, Австриядан қашып, Мальтаға барып паналағанына қарамастан, тиесілі жазасы қуа­лап жүріп тауып алды.
Forbes.kz басылымының де­ре­гіне қарағанда, арал-мемле­кет­тің қылмыстық сотының судьясы, доктор Майкл Малья 6 маусымда шешім шығарып, оны 7-сінде жариялаған. Шешімге сай Рахат Әлиевтен (істе ол Шораз ретінде көрінеді) сыртқа кетіп қалмау туралы қолхат алынып, өзі мен әйелі Эльнара Шоразованың және қызы Анжелика Джулиана Шораздың Мальта жеріндегі барлық мүліктеріне, сондай-ақ екі компания мен бір басқа­рушыдағы шоттарына тыйым салынған. Бұған қылмыстық жол­мен алынған қаржыларды қолма-қол ақшаға айналдыру жөніндегі күдік себеп болған. Осыған сәйкес екі банкке олар­дың шоттарын ашып беру және тоқтатып қою жөнінде ұйғарым тапсырылған. Судьяның шеші­мінде банктердің аттары атап көр­сетілген. Бұл ақпар Рахат Әли­евтің әрекеттерінен зардап шеккен кісілердің мүдделерін қорғауды жүзеге асырып жүрген Берлиндегі DSRB (Danckert Spiller Richter Bärlein) адвокаттар кеңсесіне жақын дереккөздер арқылы белгілі болып отыр.

Сот сондай-ақ арал-мем­ле­кеттегі көлік әкімгершілігіне соттың қаулысында атап көр­се­тілген адамдардың мен­шік­те­ріндегі автомобиль, яхта, ұшақ секілді жылжымалы құралдарды бақылауға алып, олардың Мальта жерінен кетіп қалуына жол бермеу тапсырылды. Бұлардың бәрін елден шығаруға тыйым салынды. Егер қазір елде болмай қалса, оларға іздеу жариялау бас прокуратураға жүктеледі.
Сонымен бірге, бұл отбасында қандай көліктердің бар екені де белгілі. Айталық, бұрын «Алессандра» аталған яхта қазір бұл жұптың 2010 жылғы 24 шілдеде туған қызы Анжелика Джулиана Шораздың құрметіне «Джулиана» деп аталады.
Соттың қаулысында атап көр­сетілген екі компания яхта­ның иелері болып табылады. Су көлігін де солар пайдалана­ды. Ал компаниялардың өзде­рі­нің иелері ретінде қолдан бел­гіленіп қойылған жалған біреу­лер көрсетілген. Олардың арт­тарында кімнің тұрғанын енді сот анықтайтын болады. Мальта заңына сәйкес, соттың қаулысында атап көрсетілген адамдардың барлығы 24 сағаттың ішінде өздерінің активтерін (меншіктеріндегі мүліктерін) толық ашып беруге тиіс.
Рахат Әлиев бастаған топтың заңсыз алынған қаражатты қолма-қол ақшаға айналдыру операциясымен айналысқан күдікті екені туралы шағымды Мальта бас прокуратурасына немістің DSRB (Danckert Spiller Richter Bärlein) адвокаттар кеңсесі 2013 жылдың басында түсірді. Доктор Данкерт пен оның әріптестері бұл шағымды ГФР-де қылмыстық сызба арқылы қаржыны қолма-қол ақшаға айналдырған Рахат Әлиевтің, Эльнара Шоразованың және келіншектің қазір Әбуұлы деген атты жамылып жүрген әкесінің Мальтада тұрып жатқандары белгілі болғаннан кейін жазған.
Неміс адвокаттары бүгінде Қазақстан билігінің мандаты бо­­­йынша жұмыс жасап жатыр. Осы орайда ГФР-де топ құрып, ақшаны «айдап шығудың» ошағы болған Крефельдтегі (Солтүстік Рейн-Вестфалия жері) металл өңд­еуші «Metalwerke Bender Rein­land GmbH» компаниясына тергеушілердің назарын аударды.
Адвокаттар бұл компанияға жасанды фирмалардан миллион­даған доллар ақша түсіп тұрған, олардың бәрі сосын Әлиев пен Шоразованың шоттарына аударылған деп есептейді. Бұл ақшаларға олар Мальтада жыл­жымайтын мүліктер, яхта сатып алып, аралдағы ықпалды кәсіпкерлермен тең дәрежелі әріптестер ретінде жергілікті бизнеске ақша құйылымын жасай бастаған.
Алайда, қазір белгілі бол­ғандай, бұл шалқу мен шарық­таудың адымы тым қысқа болды. Қазақстандағы мүдделі адамдардың дауын даулап жүр­ген неміс адвокаттарының та­­­бан­дылықтары арқасында Әли­ев-Шораздың қитұрқы әрекеттерінің бәрі ашылып қал­ды. Осыған көз жеткізген Мальта қыл­мыстық соты да енді бұл істен бір адым да кейін ше­гінгісі ке­ліп отырған жоқ.
Қазақтың «мың асқанға – бір тосқан» сөзінің салмағы енді шындық жүзінде көріне бастады.

Құрыш НҰРЫМБЕТ.