Аймақтар • 11 Шілде, 2019

Ұлттық аспап ұлықталды

89 реткөрсетілді

Семей қаласының облыстық тарихи-өлкетану музейінде Ұлттық домбыра күніне орай «Домбыра-дастан» атты мере­­келік шара өтіп, онда көрмеге 40-қа жуық домбыра қойылды. Шараның мақсаты – хал­қы­мыздың ұлттық аспабын жан-жақты насихаттап, өзіне тән ерекшелігін көпшілікке жеткізу.

Музей директоры, ақын Қайрат Сабырбайдың айтуынша, домбыра көшпенді халықтың рухани жағдайын, тұрмысы мен тарихи шындығын сипаттауға мүмкіндік беретін қарым-қатынастың өзіндік тілі болып табылады.

– Даналарымыз бен даралары­мыз­ға серік болған, халқымыздың үнін ғасырлар бойы асқақтатып келе жатқан аспабымызды ұрпаққа үлгі ету біздің асыл парызымыз, – деді Қайрат Сабырбай. – Дом­быра көрмесіне өлкемізден шық­қан елімізге танымал Жәнібек Кәр­менов, Келденбай Өлмесеков, Болат Сыбанов сынды тұлғалар мен өнер саласының майталмандарының және бүгінде айтыс сахнасында өнер көрсетіп жүрген белгілі айтыскер ақындардың домбыралары қойылды. Ұлттық аспаптың «Ән домбырасы», «Күй домбырасы» секілді бір­неше түрге бөлінетінін және оның құ­ры­лысы туралы деректерді осы көр­меден білуге болады. Сонымен бірге қандай ағаш түрлерінен жасалатыны жайында да ақпараттар берілген.

Тарихи-өлкетану музейінде өткен көрменің ашылу салтанатында қаламыздың белгілі өнер қайрат­керлері, әншілері мен күйшілері өнер көрсетіп, естеліктерін айтты. Домбырамен сүйемелдеп, ән-күй орындаушылар Берік Омаров, Батыр Фархатов және №1 музыкалық мектеп оқушылары да шараға белсене қатысып өз өнерлерін ортаға салды. Кеш барысында ақындар арнау айтып, халықпен біте қайнасып кеткен домбыра тарихын жырға қосты.

 

Раушан НҰҒМАНБЕК,

«Еgemen Qazaqstan»

СЕМЕЙ

 

Баннер
Соңғы жаңалықтар

Алматыда қойма өртеніп жатыр

Аймақтар • Бүгін, 09:28

20 жыл аңсаған алтын...

Спорт • Бүгін, 09:25

Сырттанов туралы сыр

Руханият • Бүгін, 09:23

«Алтын аймақ» – Ақмешітте

Руханият • Бүгін, 09:20

«Шаңырақтың» шапағаты

Руханият • Бүгін, 09:13

20 мыңға жуық адамның азабы – жол

Экономика • Бүгін, 09:11

Жұртым деп келген жеткіншектер

Руханият • Бүгін, 09:08

Тағылымы мол кездесу

Аймақтар • Бүгін, 09:03

Бақтың барар жері – ынтымақ

Аймақтар • Бүгін, 08:46

Тырнақалды туындының тың тынысы

Аймақтар • Бүгін, 08:42

Саф өнерге сұраныс жойылмайды

Руханият • Бүгін, 08:40

Әлеуметтік желілер: сөз бен көз

Руханият • Бүгін, 08:39

Аграрлық банк құрылса...

Экономика • Бүгін, 08:30

Жол құрылысына серпін берді

Саясат • Бүгін, 08:27

Құмырсқа пәлсапасы

Қоғам • Кеше

Ұқсас жаңалықтар