- Халық тұтынатын тауарлар өндірісін қолдауға жағдай жасалуда. Жобалық кеңсе де аштық. Жобалардың көбі шикі. Бірақ, ешқандай нәтиже көрінбейді, - деді облыс әкімі Болат Бақауов әкімдіктегі жиында.
Әкім айтқан, жобалық кеңсе - Кәсіпкерлер палатасының облыстық филиалында ашылған. Бұған дейін палата ұсынған 16 жобаның ешқайсысы жүзеге аспаған. Ал, палата тарапынан халық тұтынатын тауарлар өндірісін қолдауға өңірде 4 мыңнан астам кәсіпорын іріктеліп алынса, олардың 700-і қатысуға белсенді көрінеді.
Сонымен бірге, аудан-қала әкімдіктерінің де жұмысында ширақтық байқалмайды. Тіпті, өндірісі Ақсу қаласының өзінде іліп алар жоба жоқ.
Ал, облыс орталығы іргесіндегі азық-түлік белдеуі саналатын Павлодар аудынында бар-жоғы 4 жоба ұсынылыпты.
Жобалар жүзеге асуы үшін енді кәсіпкерлердің фокус-топтары құрылып, қарапайым заттар экономикасын дамытуға арналған бағдарлама туралы түсіндірілмек.
