Спорт • 02 Тамыз, 2019

Ширек финалға жолдама алды

205 рет
көрсетілді
1 мин
оқу үшін

Теннистен Мексиканың Лос-Кабосе қаласында өтіп жатқан ATP сана­тындағы турнирде Қазақстанның бірінші ракеткасы Михаил Кукушкин ширек финалға жолдама алды.

Ширек финалға жолдама алды

Әлемдік рейтингте 58-орында тұрған ұлыбританиялық Кэмерон Норримен күш сынасқан отандасымыз 1 сағат 35 минутқа созылған бәсекеде 7:5, 7:5 есебімен жеңіске жетті. Турнирдің жартылай финалына шығу үшін Кукушкин рейтингте 27-сатыда тұрған аргентиналық Диего Себастьян Шварц­манмен кездеседі. Өз кезегінде Шварцман екінші айналымда 30 жастағы латвиялық Эрнест Гулбистен 7:5, 6:0 нәтижесімен басым түскен.

Ал АҚШ-тағы Citi Open ATP 500 турни­рінде бақ сынаған жерлесіміз Александр Бублик алғашқы айналымнан сүрінбей өтке­німен, екінші кезеңде америкалық Фрэнсис Тиафодан 1:6, 6:7 есебімен жеңіліп қалды.