«Астана» футбол клубы үшінші кезеңде Мальтаның «Валлетта» командасымен кездеседі. Елордалықтар плей-оффтық кезеңіне шығып жатса, босниялық «Сараево» немесе Беларусьтің БАТЭ командаларының бірімен шеберлік байқасады.
Үшінші кезең ойындары 8 және 15 тамызда, ал плей-офф бәсекесі 22 және 29 тамызда өтеді. Елордалықтар бірінші кездесуді өз алаңында ойнамақ. Алда-жалда «Астана» жеңіске жетіп жатса, келесі айналымды да «Аренадан» бастайды.
Бұған дейін «Астана» клубы БАТЭ-мен бір мәрте кездескен болатын. 2016 жылы Еуропа лигасы аясында өткен ойында астаналықтар өз алаңында 2:0, сырт алаңда 2:2 есептерімен жеңіске жеткен еді.
