Жуырда ғана «Норвегияның арктикалық жарысында» топ жарған отандасымыз жаңартылған рейтингте жеті саты көтеріліп, 15-орынға табан тіреді. Велошабандоздардың көшін франциялық Жулиан Алафилипп бастап тұр. Екінші орынға испаниялық Алехандро Вальверде орналасса, үздік үштікті словениялық Примож Роглич түйіндеп тұр.
Ал Азия құрлығы бойынша рейтингте Луценко 1927 ұпаймен бірінші орында келеді. Екінші орындағы қытайлық велошабондаз Лю Ксианджингидің еншісінде 375 ұпай бар. Рейтингте үздік үштікті тайпэйлік Чун Кай Фень қорытындылады. Сондай-ақ Қазақстан құрамасы Азия аймағы бойынша алғашқы орынды иеленсе, әлемдік рейтингте 18-орында тұр.
