Аймақтар • 10 Қыркүйек, 2019

Президент Жолдауын жамбылдықтар да қолдайды

33 реткөрсетілді

Жамбыл облысы әкімдігі ғимаратының мәжіліс залында Қазақстан Республикасының Президенті Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауын түсіндіру бойынша актив жиыны өтті. Актив жиналысына облыс әкімінің орынбасарлары, аудан әкімдері, мәслихат депутаттары, облыс әкімдігінің басқарма, аумақтық департаменттер, құқық қорғау органдары, жоғары оқу орындарының басшылары, саяси партиялар, этномәдени орталықтар, үкіметтік емес ұйымдар, жастар бірлестіктері, бұқаралық ақпарат құралдары өкілдері мен облыстық ақпараттық топ мүшелері қатысты.

Жамбыл облысының әкімі Асқар Мырзахметов Жолдауда қамтылған маңызды бағыттарды атап өтті. Әкім маңызды құжатта әлеуметтік саладағы отбасы институтын қолдау мен инклюзивті қоғам құру, білім беру, медициналық қызметтің қолжетімділігі мен сапалы болуын қамтамасыз ету, мәдениет қызметкерлерін қолдау, әлеуметтік қолдау жүйесінің дамуы, отандық зейнетақы жүйесін дамыту сынды өзекті мәселелерді шешу көзделгенін жеткізді. Сонымен қатар осы мақсаттағы тапсырмалардың жүзеге асырылуын орындауда жауапкершілікті күшейту және нақты шаралар қабылдау қажеттігін түсіндірді.

Жолдауды өңірде іске асыру бойынша облыс әкімінің орынбасары Сұлушаш Құрманбекова баяндама жасады. Ол Президент Жолдауында айтылған заман талабына сай тиімді мемлекет, азаматтардың құқықтары мен қауіпсіздігін қамтамасыз ету, қарқынды дамыған және инклюзивті экономика, әлеуметтік жаңғырудың жаңа кезеңі және қуатты өңірлер – қуатты ел бағыттары жөнінде әңгімеледі.

«Экономикалық өрлеу және әлеуметтік саланың барлық бағыттары бойынша сая­си реформалар кезең-кезеңімен, табанды түрде және жан-жақты ойластырып, «Халық үніне құлақ асатын мемлекет» тұжырымдамасын жүзеге асыру міндеті тұр. Билік пен қоғам арасында тұрақты диалог орнату алдағы уақытта атқаратын жұмыстың басым бағытына айналуы тиіс. Сондықтан азаматтық қоғамға қолдау көрсетіп, оның әлеуетін нығайта түсу аса маңызды. Елімізде белгілі қоғам өкілдерін қамтыған Ұлттық қоғамдық сенім кеңесі құрылды. Алдағы уақытта, өңірдегі Қоғамдық кеңестер де өзекті проблемалардың тиімді шешімдерін табу бағытында жұмыстар жүргізетін болады. Елбасы төрағалық ететін Nur Otan партиясы бүгінде халықтың шынайы сенім үдесінен шыққан халық партиясына айналды. Өңір тұрғындарының мәселелерін шешуде облыстағы басқа да бес партияның филиалдары да белсенділік танытулары керек», деді Сұлушаш Құрманбекова.

«Мемлекет басшысы «Ата Заңымызға сәйкес азаматтардың өз ойын еркін айтуға құқығы бар» екендігін баса айт­ты. Сондықтан Тараз қаласы мен аудан әкімдерімен бірлесе отырып, қол­даныстағы заңнама аясында бейбіт акциялар және наразылық шараларын ұйымдастыру тәртібі мен өткізу орындарын қайта қарайтын боламыз. «Ел бірлігі – оның әралуандығында!» принципі облыста тұратын 87 этностық топтың өкілдері үшін басты ұстанымға айналуы тиіс. Қазақ халқының мемлекет құраушы ұлт ретіндегі рөлін бекемдеп, этносаралық татулық пен дінаралық түсіністікті қалыптастыру – маңызды міндет. Облыстық Қазақстан халқы Ассамблеясының хатшылығы, Тараз қаласы мен аудан әкімдері ұлтаралық татулықты нығайтуда жүйелі жұмыстар жүргізетін болады. Жақын арада қабыл­­данатын «Азаматтық қоғамды да­мытудың 2025 жылға дейінгі тұжырым­дамасында» үкіметтік емес ұйымдардың жауапкершіліктері артып, жаңа міндеттер жүктелмек. Сонымен бірге алдағы жылы әл-Фарабидің 1150 жылдық, Абай Құнанбайұлының 175 жылдық мерейтойларын атап өту бойынша облыс деңгейінде тәрбиелік мәні бар іс-шаралар ұйымдастырылатын болады. Ел өміріндегі маңызды мереке – тәуелсіздігіміздің 30 жылдығына байланысты өткізілетін шаралар тәуелсіз мемлекетіміздің жетістіктері мен құндылықтарын жастарымыздың терең біліп, сезінулеріне бағытталмақ», деді ол. Сонымен қатар Сұлушаш Құрманбекова сыбайлас жемқорлыққа қарсы күресу негізгі міндеттеріміздің бірі екенін айта келіп, ағымдағы жылы «Жамбыл – адалдық алаңы» жобасы аясында тұрғындар тарапынан 140 шағым түсіп, оның 52-сі бойынша мәселе шешілгенін, қалған 88 мәселе бақылауға алынғанын жеткізді. Мемлекеттік қызмет көрсетудің барынша ашық болуын қамтамасыз ету, тұрғындарға қолайлы жағдай жасау мақсатында 6 сервистік әкімдіктер мен фронт-офистер ашылғаны, 7 мекеменің басшысы «оупен спейс» форматында жұмыс істеуге кіріссе, 133 мемлекеттік орган басшысы кабинеттерін бірінші қабатқа көшіргенін айтты.

«Мемлекет басшысы индустриялық-инновациялық даму бағдарламасы аясында өнімділігі жоғары орта бизнеске қолдау көрсетудің кешенді шараларын әзірлеуді тапсырды. Бұл бағыттағы ең тиімді шаралардың бірі – индустриялық аймақтар құру. Шу ауданында «Тараз химиялық паркі» арнайы экономикалық аймағының инфрақұрылым құрылысы аяқталуда. Кәсіпкерлік және индустриялық-инно­вациялық дамыту басқармасы «Тараз химиялық паркі» басқарушы компания­сымен бірлесіп, жобаларды уақтылы іске асыру үшін заңнамаға сәйкес бар­лық мемлекеттік қолдау шараларын көр­сететін болады. Тараз қаласының аума­ғында республикалық маңызы бар индустриялық аймақ құру жұмыстарын аяқтау міндеті тұр. Бүгінгі күнге тір­келген 84 мыңнан аса шағын және орта кәсіпкерлік субъектісінің ішіндегі жұмыс жасайтындарының үлесі 80,3 пайызға жетті. Ол өткен жылдың осы кезеңімен салыстырғанда 11,4 пайызға артып отыр. «Бизнестің жол картасы – 2020» бағдарламасы аясында ағымдағы жылдың 8 айында 4,5 миллиард теңгеге 290 жаңа жоба іске асырылуда», деді С.Құрманбекова өз сөзінде.

Сондай-ақ Жамбыл облыстық кәсіп­керлер палатасының директоры Олжас Қаржауов, М.Х.Дулати атындағы Тараз мемлекеттік университетінің ректоры, профессор Махметғали Сары­беков, Қазақстан Республикасының Мем­лекеттік қызмет істері агенттігі Жам­был облысы бойынша департаменті басшысының міндетін атқарушы Нұрлан Еркебаев, «Жастар зерттеу» жастар қоғамдық бір­лес­тігінің төрайымы Парида Мамедова және өзге де азаматтар өз салалары бо­йын­ша Жолдаудың бағыттарына сәйкес тапсырмалардың жүзеге асырылуы туралы қабылданатын шаралар мен атқарылатын жұмыс жоспарларымен таныстырды.

Жиын соңында Асқар Мырзахметов Президент Жолдауын түсіндіру бойынша құрамында 102 мүшесі бар 11 облыстық ақпараттық топ құрамы жасақталғанын айтты. Бекітілген кестеге сәйкес топ мүшелері жыл соңына дейін облыстың 50-ден астам елді мекеніне шығып, мекемелерде, еңбек ұжымдарында, оқу орындарында, кәсіпорындар мен мәдениет үйлерінде түсіндіру жұмыстарын жүр­гізеді. Сонымен қатар Жолдауда айтылған міндеттерді орындау бойынша облыстық іс-шаралар жоспары әзірленіп, қажетті шаралар қабылданады.

Жамбыл облысы

Соңғы жаңалықтар

Ең қысқа әңгіме. Омарбек Нұрдәулет

Ең қысқа әңгіме • Бүгін, 12:01

Күлкі керуені № 6

Руханият • Бүгін, 11:57

Ең қысқа әңгіме. Айбек Ережеп

Ең қысқа әңгіме • Бүгін, 11:55

Ең қысқа әңгіме. Ислам Қабылұлы    

Ең қысқа әңгіме • Бүгін, 11:52

Ең қысқа әңгіме. Әсел Асқарқызы

Ең қысқа әңгіме • Бүгін, 11:45

Ең қысқа әңгіме. Мағжан Қалымбекұлы

Ең қысқа әңгіме • Бүгін, 11:42

Ең қысқа әңгіме. Еділ Анықбай

Ең қысқа әңгіме • Бүгін, 11:40

Ең қысқа әңгіме. Алтынғадыс Күнтуғанұлы

Ең қысқа әңгіме • Бүгін, 11:39

Ең қысқа әңгіме. Сайлау Төлеу

Ең қысқа әңгіме • Бүгін, 11:36

Ең қысқа әңгіме. Ербол Бораншы

Ең қысқа әңгіме • Бүгін, 11:31

Ең қысқа әңгіме. Күлайна Оразбекқызы

Ең қысқа әңгіме • Бүгін, 11:30

Ең қысқа әңгіме. Құрманғазы Жұмағұл

Ең қысқа әңгіме • Бүгін, 11:29

Ең қысқа әңгіме. Құрманжан Қасымжанұлы

Ең қысқа әңгіме • Бүгін, 11:19

Ең қысқа әңгіме. Нұрлан Қабдай

Ең қысқа әңгіме • Бүгін, 11:18

Дәуір белесінің авторы

Әдебиет • Бүгін, 09:18

Мінез жұмбақтығы

Әдебиет • Бүгін, 09:16

Әуезовтің жалғасы

Әдебиет • Бүгін, 09:14

Ғасыр эпопеясы

Руханият • Бүгін, 09:13

Уәдеге берік бол!

Бүгін, 09:11

Тіл тірлігі – тілге мұқтаждықта

Руханият • Бүгін, 09:07

«Аққу ақын» Атырауға келді

Әдебиет • Бүгін, 08:57

Таластан шыққан дипломат

Руханият • Бүгін, 08:54

Өрісі кең, өрелі

Руханият • Бүгін, 08:50

«Жетісу» – жеңімпаз

Спорт • Бүгін, 08:50

Хат қоржын (22.10.2019)

Руханият • Бүгін, 08:45

Салық төлеушілер баға қойды

Қазақстан • Бүгін, 08:23

Қарқыны бөлек «Қаламқас»

Экономика • Бүгін, 08:22

Қара сиырым қарап тұр...

Қоғам • Бүгін, 08:21

Қазақ өзі қандай халық?

Руханият • Бүгін, 08:19

Тәу етер мекен – Тарбағатай

Руханият • Бүгін, 08:16

«Елтану» – ертеңшіл жоба

Руханият • Бүгін, 08:15

Тарихымыздың құты – Тайқазан

Руханият • Бүгін, 08:12

Ұқсас жаңалықтар