Комитеттің хабарлауынша, 1,4 миллионға жуық адам рақымшылыққа ілігіп, 13,9 млрд теңге көлемінде қарыздың негізгі сомасын төлеген жағдайда, 6,3 млрд теңге көлемінде өсімпұл есептен шығарылуға тиіс.
2019 жылғы 13-14 тамызда барлық аумақтық департаменттер өсімпұлдарды есептен шығару бойынша комиссия құру туралы бұйрық шығарған болатын. Салық қарызын Мемлекеттік кірістер комитетінің www.kgd.gov.kz ресми сайтында «Салық қарызының болуы/болмауы туралы ақпарат» бөлімінде тексеруге болатынын айта кетейік.
Биыл 3 шілдеде Қазақстан Республикасының «Салық және бюджетке төленетін басқа да міндетті төлемдер туралы» кодексіне 2019 жылғы 3 шілдеде жеке тұлғаларға салықтық рақымшылық жасауға мүмкіндік беретін өзгертулер енгізілгені белгілі. Бұл түзетулер 2019 жылдың 16 шілдесінде күшіне енді. Сондай-ақ биылдан бастап Қаржы министрінің тиісті бұйрығы бойынша Өсімпұл сомаларын есептен шығару ережелері жарияланды. Премьер-Министрдің бірінші орынбасары – Қаржы министрі 2019 жылғы 9 шілдеде бекіткен Жеке тұлғаларға салықтық рақымшылық жасау бойынша Жол картасы жасалып, Мемлекеттік кірістер комитетіне оны жүзеге асыру міндеті жүктелді.
