Қазақстан • 20 Қыркүйек, 2019

Ақтау, Түркістан және Арыс қалаларында Smart City қызметі қосылуы мүмкін

30 реткөрсетілді

Ақтау қаласында  «CIO and Digital Professionals Workplace 2019» конференциясы өтті.  Жиын барысында «Қазақтелеком» АҚ Маңғыстау мен Түркістан облыстары әкімдіктері бастаған бірқатар компаниялармен меморандумдарға қол қойды. Ынтымақтастық аясында тараптар Ақтау, Түркістан және Арыс қалаларында Smart City  пилоттық  қызметін іске қосуға арналған жобаларды енгізу мүмкіндігін қарастырады.

Мұндай идея біраз уақыт бұрын да айтылып жүрген. Бұған дейін Премьер-Министр Асқар Маминге Арыс қаласын цифрлық тансформациялау мүмкіндігі таныстырылған болатын. Ендігіде жоғарыда аталған үш қаланың қоғамдық және жол бейнебақылауы, орталықтардағы ашық  wi-fi, талшықты-оптикалық байланыс және  LPWAN желісі көбейтіледі. Сонымен қатар  экологиялық мониторинг жүргізу мен жедел жәрдемнің диспетчерлік қызметін автоматтандыру жоспарланған. Бұдан бөлек, меморандумға сәйкес цифрлық даму және  Big Data  енгізу мүмкіндігін қарастыру мәселелері бойынша тараптар арасында өзара іс-қимыл жүргізу көзделген.

Келісу

Конференция барысында инфрақұрылымды  оператор тарапынан кәсіпорындарда цифрлық трансформациялаудың жаңа бағыттарын дамыту туралы ұсыныстар айтылды. Компания спикерлері дайын технологиялық база мен телеком-оператор ұсынатын мүмкіндіктер туралы мәліметтермен бөлісті. Қазақстандағы бірқатар индустриялық жобалар жиналғандар арасында талқыланды.

Ал жүзеге асырылған цифрлық трансформациялау жобаларының мысалы ретінде  Smart Aqkol тәжірибелері ескерілетін болады.

«Smart Aqkol жобасының негізгі мақсаты ̶  қаладағы түрлі қызметтің жұмыс нәтижесін бақылау  үшін ақпараттық ағындарды өңдеу базасында «ақылды қала» моделін құру болды. «Smart Aqkol» тұжырымдамасына  инфрақұрылым,  біріктірілген жүйелер және сигналдар беру мен деректерді бақылау және оны талдау элементтерінің желісі кіреді. Барлық деректер жағдаят орталығына –  диспетчер залы бар,  мониторинг жасауға арналған бейне-қабырғамен, бейнеконференция байланысы жүйесімен,  колл-орталығымен жабдықталған объектіге түседі», ̶ деді «Қазақтелеком» АҚ Корпоративтік бизнес дивизионының департамент  директоры  Самат Имбаев  

Ақкөл  ̶  коммуналдық қызметтердің барлық тұтынушылары толығымен цифрландырылған Қазақстандағы бірінші қала.  Smart Aqkol жобасының тұжырымдамасы  қауіпсіздіктен экологияға дейін 11 бағыттан тұратын «ақылды» қалаларды дамытудың бірыңғай стандартына кіреді. Егер Ақтау, Түркістан және Арыс қалаларында Smart City  қызметі толық енгізілсе, еліміздегі «ақылды қалалар» саны көбейе түспек. Бұл өз кезегінде тұрғындардың жайлы тұрмыс кешуіне пайдасын тигізуге тиіс.

Баннер
Соңғы жаңалықтар

Жаңа аялдамаға жаны қас

Аймақтар • Бүгін, 08:31

Жаңаөзенде жаңа жоба басталды

Аймақтар • Бүгін, 08:24

Тағзым мен тағылым тоғысқан той

Руханият • Бүгін, 08:19

Экономикада тұрақты өсім бар

Экономика • Бүгін, 08:06

Краудфандинг қазаққа да жат емес

Қазақстан • Бүгін, 08:00

Ең қысқа әңгіме. Данияр Саламат

Ең қысқа әңгіме • Кеше

Ең қысқа әңгіме. Нұрболат Аманжол

Ең қысқа әңгіме • Кеше

Ең қысқа әңгіме. Ерболат Қуатбек

Ең қысқа әңгіме • Кеше

Нұрлыбектің домбырасы

Руханият • Кеше

«ХАТ ҚОРЖЫН»

Қазақстан • Кеше

Күлкі керуені

Руханият • Кеше

Ұқсас жаңалықтар