Қазақстан • 25 Қыркүйек, 2019

Қазақстанда GoSauda атты ең ірі онлайн-сауда сервисі іске қосылды

72 реткөрсетілді

Бұл жайында Алматыдағы арнайы баспасөз мәжілісі кезінде жоба басшылары мәлімдеді.

Жоба ұйымдастырушыларының пікірінше, GoSauda сервисінің ерекшелігі интернет-дүкен және электрондық хабарландыру тақтасын бір алаңда біріктіріп отырғандығында жатыр.

«Хабарландыру тақтасы мен интернет-дүкенді біріктіру идеясы біздің нарыққа жетіспей отыр. Жеке-жеке жұмыс жасайтын қосымшалар мен платформалар өте көп. Ал бүкіл қажеттінің бәрін бір жерде біріктіретін әмбебап платформа жоқ. Сондықтан біз осы алаңда ізашар болып отырмыз», деп атап өтті «International Mentors Group» ЖШС компаниялары бас директоры Айбек Жартыбаев.

 Сайт жеке тұлғаларға да, бизнес өкілдеріне де тауарлар мен қызметтерді онлайн арқылы сатуға және сатып алуға мүмкіндік береді. Gosauda Push-хабарлама арқылы сатушы мен сатып алушыны тікелей ешқандай делдалсыз байланыстырады.

Сервис қолданушылары алдын ала мобильдік телефоны арқылы тіркелу немесе Facebook-тегі аккаунтына кіру арқылы өз хабарландыруларын жариялай алады. Тіркеу кезінде электрондық поштаның аты, логині мен құпиясөзі, сондай-ақ, мобильдік телефон көрсетіледі. Заңды тұлғалар компания шынымен де кәсіпкерлік қызметпен айналысатын-айналыспайтындығын анықтау үшін сервистің ішкі тексеруінен өтуі керек.

Осыдан кейін заңды тұлғалар өз компаниясының бизнес-парақшасын ашып, оны толтыру арқылы GoSauda платформасында өз интернет-дүкенін аша алады. Бұл парақшада компания атауы, логотипі, баннері, байланыс ақпараты, компанияның сипаттамасы (қызмет түрі, кәсіпорын үлгісі) және тауарлар мен қызметтердің ассортименті көрсетіледі. Сондай-ақ, платформада бірқатар ақылы сервистер де қарастырылған.

Хабарландырулар «Сән және стиль», «Балалар әлемі», «Көлік», «Электроника», «Жылжымайтын мүлік», «Үйге және кеңсеге арналған заттар», «Қызметтер», «Хобби, демалу және спорт», «Жұмыс», «Жануарлар», «Сұлулық пен денсаулық», «Азық-түлік өнімдері» сынды 12 санат бойынша жіктеледі. Өз кезегінде санаттар 160-қа жуық санатшалардан тұрады.

Қазіргі таңда сервис орыс және қазақ тілдерінде қолжетімді, таяу келешекте ағылшын тіліндегі нұсқасы пайда болады. Веб-сайтқа қоса, Gosauda-ның iOS және Android платформаларына арналған қосымшалары жасап шығарылды. «Біздің басты міндетіміз – қажетті заттарды тауып, саудаға қойып, компанияларға жазылып, олардың хабарламаларын қадағалап отыруға мүмкіндік беретін оңай мобильдік қосымшаны нарыққа ұсыну және қолданушының жасына қарамастан бірден түсінікті болатын дизайнда оны жасап шығару», деп атап өтті Gosauda жобасының жетекшісі Айбол Бисенқұл.

Баннер
Соңғы жаңалықтар

Жаңа аялдамаға жаны қас

Аймақтар • Бүгін, 08:31

Жаңаөзенде жаңа жоба басталды

Аймақтар • Бүгін, 08:24

Тағзым мен тағылым тоғысқан той

Руханият • Бүгін, 08:19

Экономикада тұрақты өсім бар

Экономика • Бүгін, 08:06

Краудфандинг қазаққа да жат емес

Қазақстан • Бүгін, 08:00

Ең қысқа әңгіме. Данияр Саламат

Ең қысқа әңгіме • Кеше

Ең қысқа әңгіме. Нұрболат Аманжол

Ең қысқа әңгіме • Кеше

Ең қысқа әңгіме. Ерболат Қуатбек

Ең қысқа әңгіме • Кеше

Нұрлыбектің домбырасы

Руханият • Кеше

«ХАТ ҚОРЖЫН»

Қазақстан • Кеше

Күлкі керуені

Руханият • Кеше

Ұқсас жаңалықтар