Ғылым мен бизнесті біріктірудің арқасында трансформатор жасау саласындагы инновациялық ілгерілеуге қол жетіп отыр. «Alageum Electric» компаниясы, «Энергия» ҚазОЭЖҒЗЖІИ АҚ және «Электродеталь» ЖШС кәсіпорындарының құрамына кіретін Кентау трансформатор зауытының ғалымдары мен инженерлері қуаттылыға жоғары автотрансформерді жасап шығарды.
Білім және ғылым министрлігі мен Дүниежүзілік банк «Өнімді инновацияларды ынталандыру» атты жобасын бірлесіп жүзеге асырды. Сол жоба аясында автотрансформатор 2017 жылы «Өнімді инновациялар консорциумының» бағдарламасы шеңберіне қолдау тапқан болатын. Қазақстандағы қуаттылығы өте жоғары алғашқы автотрансформатордың жобалаушысы –техника ғылымдарының докторы, Қазақстанның еңбек сіңірген энергетигі Сергей Соколов. Ол өз саласында үлкен нәтижелерге қол жеткізгендігін айта кету керек. Сонымен қатар оның ғылыми еңбектері елімізде және шетелдерде жарияланған.
«Қуаттылығы 63 МВА автотрансформатор» Қазақстанға өте қажет, мұндай трансформаторларға деген сұраныс күннен-күнге артып келеді. Ал шетелдерде бұл трансформатор өзінің ерекшеліктеріне орай басқа да осындай трансформаторлармен бәсекеге түсе алады», - деп атап кетті Сергей Соколов.
Кентау трансформатор зауытының автотрансформаторы пайдалануға әзір тұр. Осы жақын күндері ол Түркістан облысымен іргелес үш ауданда – Келес, Сарыағаш және Мақтааралда электрэнергиясын бөле бастайды. Сарыағаш ауданының ТКШ-мен шарт жасалып та қойылды.
Қуаттылығы жоғары трансформаторларға деген сұраныс жылдан-жылға артып келеді. Мәселен, Қазақстанның іс жүзінде барлық қосалқы стансалары ХХ ғасырдың 80-жылдары салынғаны белгілі. Демек, таяу мерзімде оларды жаңғыртуға мүмкін болады.
Сондықтан да, бөтенді өзіміздікіне алмастыру Қазақстандағы импорт алмастыру бағдарламасының негізгі философиялық тұжырымы. «Кентау трансформатор зауыты» АҚ бұл бағытта белсенді жұмыс атқарып жатыр. Кернеуі 220 кВ класты қуаттылығы 63 МВА автотрансформаторы – Қазақстандағы импорт алмастыру жөніндегі ауқымды жұмыстың жарқын мысалы.
