Аймақтар • 09 Қазан, 2019

Маңғыстауда Әбіш пен Фариза шығармашылығына арналған «Сөз бен саз» кеші өтеді

67 реткөрсетілді

Маңғыстау арнасындағы «Сөз бен саз» бағдарламасының 27- концерті, қазақ әдебиетінің көрнекті өкілдері Әбіш Кекілбаевпен Фариза Оңғарсынованың 80 жылдығына орай ұйымдастырылуда. Бұл туралы Маңғыстау облысының өңірлік коммуникация қызметінен хабарлады.

Маңғыстау ауданында өтетін мерекелік кешке Қазақстанның әр аймағынан жиналған сазгерлердің ұлы тұлғаларымызға арнап шығарған әндері шырқалатын болады.

- Осы уақытқа дейін Әбіш Кекілбайұлы мен Фариза Оңғарсыноваға арнап, арғы тарихы отыз жылдан аса, бергісі жас буын сазгерлер ән арнаған екен. Барлығын жинақтап бір концертке сыйғызып отырмыз. Бұл жерде Әбіш Кекілбайұлының шығармаларымен Фариза Оңғарсынованың өлеңдеріне жазылған әндер айтылмайды. Оларға арналған әндер айтылады. Негізгі авторлары еліміздің 8 облысынан келеді деп жоспарлап отырмыз,  - деді «Сөз бен саз» бағдарламасының авторы әрі жүргізушісі Бердіхан Әлмен.

80 жылдыққа арналған мерейтойда Жамбыл облысынан «Фариза жан» әнінің авторы, мәдениет саласының үздігі Әбиірбек Тінәлі, Алматы қаласынан қазақ эстрадасының жарық жұлдызы Роза Әлқожа, Қызылорда облысынан композитор Жақсыгүл Бегманова, Ақтөбе облысына Марғұлан Құлмағанбетов және маңғыстаулық ақын-сазгерлер қатысады деп күтілуде.

Айта кетейік қазіргі уақытта Маңғыстау, Атырау, Ақтөбе облысында  Әбіш Кекілбайұлы мен Фариза Оңғарсынова есімі берілген 6 мектеп бар. Шығармашылық кештің ерекшелігі – аталған үш облыстан ең үздік деген оқушылары келіп, әдебиет алыптарының өлеңдерін нақышына келтіріп оқитын болады.

Соңғы жаңалықтар

Тұлғаға тағзым жасалды

Руханият • Бүгін, 08:49

«Астана» маусымды аяқтады

Футбол • Бүгін, 08:40

Азаттық жолындағы тарихи қадам

Руханият • Бүгін, 08:17

Қазақ елін әлем таныды

Әлем • Бүгін, 08:15

Қиын сәтте де бірге болғанбыз!

Қазақстан • Бүгін, 08:12

Тәуелсіздік һәм түркі жұрты

Қазақстан • Бүгін, 08:03

40 пәтердің кілтін тапсырды

Аймақтар • Бүгін, 07:58

Түркияда тойланды

Қазақстан • Бүгін, 07:57

Экономика қарқынды өсуде

Экономика • Бүгін, 07:51

Мемлекеттік наградалар тапсырды

Парламент • Бүгін, 07:44

Ұқсас жаңалықтар