Руханият • 09 Қазан, 2019

Маңғыстаулық әртістер «Аbish Аlemi» фестивалінде Әбіш шығармаларын сахналамақ

43 реткөрсетілді

Әбіш Кекілбаевтың шығармаларын насихаттауға бағытталған алғашқы театр фестивалі 2016-жылы республикалық деңгейде өтсе, биыл 80 жылдық мерейтойы аясында «Аbish Аlemi» фестивалі халықаралық деңгейде шымылдығын түрді.

Маңғыстау облысы әкімдігінің ұйымдастыруымен, республикамыздың Мәдениет және спорт министрлігі және ТҮPКСОЙ-дың қолдауымен басталған фестиваль өзге елдермен мәдени-рухани байланысты нығайтудағы алтын көпір іспеттес. Әлемнің жеті елінен келген кәсіби және музыкалық драма театр әртістері Ақтаудағы Нұрмұхан Жантөрин театры сахнасында өзара сынға түспек.

«Аbish alemi» бірінші халықаралық театр фестиваліне қатысуға ниет білдірген театр ұжымдарының қойылымын, қазылар алқасының беделді мүшелері Абыз тұлға Асанәлі Әшімов, «Алтын қалам» сыйлығының лауреаты Исрафил Исрафилов, Батыс Қазақстан облыстық қазақ драма театрының қоюшы режиссері - Сердеш Қажымұратов, Ғ.Мүсірепов атындағы Қазақ мемлекеттік академиялық балалар мен жасөспірімдер театрының көркемдік жетекшісі – Еркін Жуасбек, Қазақстанның еңбек сіңірген қайраткері – Нұркен Өтеуіл, Қазақстан Республикасы мемлекеттік сыйлығының лауреаты – Әділ Ахметов, Маңғыстау облысының «Жыл адамы – 2016» номинациясының иегері Медғат Өмірәлиев сараптайтын болады.

«Аbish alemi» бірінші халықаралық театр фестиваліне Армениядан Абельян Ванадзор мемлекеттік драма театры, Грузиядан Тбилисидің Мемлекеттік Азербайджан театры, Ираннан  Биле Савар Барбод театры, Өзбекстаннан Хорезм театры, Тәжікстан К.Худжанди атындағы музыкалық комедия театры,      Түркияның Мемлекеттік театры және Түркменістан мемлекеттік театры, сондай-ақ Қазақстаннан М.Әуезов атындағы мемлекеттік академиялық драма театры, Ж.Аймауытов атындағы Павлодар облыстық драма театры және Н.Жантөрин атындағы драма театры қатысып, өнер көрсетеді.

Халықаралық театрлар фестивалінде Маңғыстау драма театры Әбіш Кекілбаевтың «Бір шөкім бұлт» шығармасымен «Күй» повесін сахналайды. Күй повесінде рөлді сомдаушылардың басым бөлігі ер адамдар, ал моно спектакльді бір әйел сомдамақ.

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар