Республика бойынша өңірлер арасында алғашқы болып Маңғыстауда өткізіліп жатқан шараға 200-ге жуық қыз-келіншек қатысуда. Әйелдер мен көп балалы аналарды ұлттық бренд арқылы шағын және орта бизнеске тарту мақсатындағы фестиваль аясында жеке кәсібін бастағысы келетін қыз-келіншектер үш күн тренинг-сабақтарға қатысады. Сонан соң шеберлер қолынан шыққан көрпе, қоржын, шымылдық, қамзол, кәжекей, бесік жасаулары сынды ұлттық бұйымдар көрмесі өтеді.
- «Көрпе Фест» мега фистивалі алғаш рет Нұр-Сұлтан қаласында өткен еді. Өңірлерде өткізсем деген ойым сәті түсіп Маңғыстау жерінен басталып тұр. Мен бұдан үш жыл бұрын Маңғыстауға келіп шеберлік сыныптарын өткізгенмін, сол кезде дәрісімді тыңдаған шәкірттерім үш жыл бойғы ізденістерін көрмеде көрсететін болады, яғни есеп беру деуге болады. Тренингте бұрыннан қатысып келе жатқан қыздарға күрделі дизаин тапсырмалары берілсе, жаңадан қатысушыларға технология әліппесі үйретіледі, - дейді Ы.Тұрсынзада.
Маңғыстау облысы
