Өткен ғасырда қатерлі ісік диа­г­нозы қойылса шошитын халық, қа­зір бұл аурудың ертерек анықтаса жа­зы­луға болатын кәдімгі созылмалы сыр­қат екенін біле бастаған. Сондай-ақ уақыт­ты өткізіңкіреп алғанның өзінде халық­ара­лық тәжірибеде онкология­лық нау­қас­тарды радикалды емдеп, олар­дың өмірін ұзартуда жоғары тех­но­ло­г­иялық әдістерді қолдану жақ­сы нәтиже көрсететінен де хабардар бола бастады. Осы іспетті жаңа тех­но­ло­гия­ға не­гізделген емдеу жолы – «TomoTherapy HD» жаб­дығы көмегімен жаңа заманауи томотерапия әдісі бойынша он­­ко­логиялық науқастарды емдеу­ге жол ашады.

– Бұл бірегей қондырғы әрбір па­циент­тің дертіне сәйкес келетін ең дәл және жоғары сапалы сәулеленуді жүзеге асырады. Қондырғы пациентке қажетті сәуле дозасын шығарған кезде оның бірегей спиральды режі­мі күрделі, әрі қолжетімділігі қиын тұста орналасқан ісіктерді сәулелендірумен қатар, оның әсерінен қоршаған сау тіндер­ді тиім­ді қорғауға мүмкін­дік береді. Бұл емделу­шілердің түрлі санаттары үшін сәулелік тера­­пияны пайдаланудың мүм­кін­дігін кеңейтеді. Таяуда дүние­жүзілік онкологтар кон­гре­сі­не қатысқан отандық онко­дис­пан­серлердің басшылары біздің орталықта болып, науқастар еміндегі тиімді жол ретінде біз­ге пациенттерді жіберу қажет деген ұйғарымға келді. Бүгінгі таңда 21 адам емделу үстінде, 9 адам жоспарда тұр, ал 18 пациент қара­лу үс­тінде. Ал негізі қондырғыдан 106 адам емделіп шықты, – дейді «Даму» қоры арқылы 1 млрд теңге шама­сын­дағы қондырғыны алып, дертті жан­дарға үміт сыйлаған «Үміт» Томотера­пия және ядролық медицина аурухана кешені» ЖШС-ның директоры Ержан Шаяхметов,

Ал «Digital System Servis» ЖШС телекоммуникациялық нарықта 2005 жылдан бас­тап жұмыс істеп келеді. Осы кезең ішінде компания өзін Mitel, Aastra, Ericsson, Avaya, Cisco, Advantech Wireless және басқа да әлем­дік жетек­ші теле­коммуникациялық жабдық­тар­ды өндірушілердің табыс­ты әрі сенім­ді серіктесі ретін­де көр­сете білді. Жо­балау, жет­кізу, монтаждау, кешенді ин­те­­гра­ция, пайдалануға беру және сер­­вис­тік қызмет көрсету, сон­дай-ақ IT са­ла­сындағы аутсор­сингті қамтитын теле­ком­­му­ни­кациялық жобаларды әзір­леу және іске асыру бо­йын­­ша қызметтердің толық спектрін ұсынатын компания теле­коммуникациялық жабдық­тар­ды өндіру жөніндегі зауыт құрылысын жоспарлау­­ды ойластырады. Бұл жос­пар­ға қол­дау көрсеткен Нұр-Сұл­тан қала­сы­ның әкімдігі 2016 жылы «Астана – жаңа қала» арнайы экономикалық айма­ғын­ың №1 Индустриалды паркі­нің аумағынан теле­коммуни­ка­циялық жабдық-модем­дер, ком­му­таторлар шығаратын зауыт құ­ры­лысына жер учаске­сін бөлді. Ал жоба­ны іске асы­р­уға қаражат керек. Осы рет­те компания басшылығы «Даму» қорының астаналық филиалына жүг­інеді. Сонымен «Digital System Servis» ЖШС зауыт құрылысына қа­жет­ті инвес­тициялық мақсаттарға 14,25%-бен несие алады, оның 40%-ын мемлекет «Бизнестің жол картасы – 2020» бағдарламасы шең­берінде субсидиялайды. Ал арадағы айырмашылықты 5 жыл несие мерзімімен кәсіпкер тө­леп, кепілдікті қамтамасыз етудің жет­­кілік­ті­ліксіздігіне байланыс­ты «Даму» қоры қарыз сомасынан 30% мөл­­ше­рін­де кепілдік беріпті. Сондай-ақ ком­па­ния­­лар өңдеуші өнеркәсіптегі кәсіп­кер­­лер­ді қолдау бағдарламасы ая­сын­­да 6%-ға өндірістік станоктарды са­тып алуға да қарыз береді. Осындай нақ­ты қолдау арқылы компания 2018 жыл­дан бастап модемдер, коммутаторлар, телефон стансалары сынды телекомму­ни­ка­циялық жабдықтарды өндіруге кірісті.

1992 жылы құрылған «Веста» тігін салоны ЖШС 25 жыл­дың жүзінде сыртқы киім, жеңіл киім, әскери киім, мек­теп формасын тігумен айналы­са­ды. Алғашқы аяқ алыс­тары туралы серіктестік дирек­торы Фариза Шады­жева: «Бірінші жұ­мысы­мыз ветровкалар (жеңіл­детілген курткалар), пальто, қыс­қы курткалар мен костюм­дер тігу болды. Дайын өнім­дері­міз тез сатылды. Жалпы жұрт­­шы­­лықтан, ұйымдардан тап­­сы­­рыс ала бастадық. Жаңа­жыл­­дық Президент шырша­сына кон­церттік костюмдер, ор­­кест­р­­лік киімдер тігіп, тыны­сы­­мыз кеңейе түскенде күш­тік қ­ұры­­лым­­дары, алдымен Қар­жы, Төтен­­ше жағдайлар министр­лік­тері, Салық комитеті, Ұлттық қауіп­­сіз­­дік комитеті және басқа да мем­­ле­кеттік ведомстволар тап­­сы­­рыс бере бастады. Кәсіп­орын 1996 жылдан бастап, яғни 20 жыл­дан астам мемлекеттің бар­лық күштік құрылымдары үшін әс­кери киім тігуге маманданды. Қазір өндірісте 50-ге жуық адам, тігін ісінің үздік ма­ман­дары мен шеберлері жұ­мыс істейді. «Даму» қорының қол­дауы­мен жеңілдетілген несие алып, өндірісті кеңейту мақ­сатын­да кәсіпорынның жаңа ғима­­ра­­тын салуға кірістік. Қазір құры­­лыс тәмамдалуға жақын, келесі мау­сымда қазіргідей 50 емес, 100-150 адамды жұмыспен қамти­тын өндіріс орнын іске қосамыз», дейді.

«Даму» арқылы дамуға қол жеткізгендердің бірі – «Көркем 2011» ЖШС. Мектепке дейінгі білім беру қызметін көрсету саласында тәжірибесі бар кәсіпорын жұмысын бастаған соң уақыт өте келе балабақшаға баласын орналастырғысы келетіндердің меселін қайта­ратын болды. Себебі біреу-ақ – орын жеткіліксіз. Сондықтан екінші балабақша ашу керек деген ұйғарымға келген олар Bi Group құрылыс компаниясынан лайықты орын-жайды тауып, «Даму» кәсіпкерлікті дамыту қорына қолдау көр­сетуге өтініш білдірді. Жобаны «Қазақстан Халық Банкі» АҚ да қаржыландырып, компания жыл­дық 14,5%-бен инвес­ти­ция­лық мақсатта қарыз алады. Бұл борыштың 40%-ын мемлекет «Бизнестің жол картасы-2020» бағдарламасы шеңберінде субсидиялады, ал айырмашылықты кәсіпкер төлейді. Нәтижесінде 2019 жылдың 16 қаңтарында жал­пы сыйымдылығы 100 адам­дық жаңа балабақша ашылды. Бұдан әрі мемлекеттің дотациясы алынған балабақшада балдырғандар бес мезгіл тамақ­танып, ойындар мен са­бақ­­тар өткізіледі. Сондай-ақ бала­қай­лар сер­уен­деп, қосымша үйірмелер жұмысына қатысып, мектепке толық даярлықпен баратын жағ­дайға жетті. «Бізде жұмыс іс­тей­тін адамдар қаладағы өзге жеке­ш­еленген балабақшадағы әріптес­теріне қарағанда 1,5 есе артық жалақы алады» дейді Айжан Жақ­сыгелдинова.

Баспасөз туры барысында 4 кәсіп­орын өкілдері де «Әрине, біз күнделікті атқаратын ісімізді жал­ғастыра беретініміз аян. Бі­рақ бір орында тұрып өсу, да­му қиын. Ал «Даму» қоры біз­дің тынысымызды кеңейтіп, жа­­ңа мүмкіндікке жол ашты. Сол үшін мемлекет тарапынан жа­сал­ған қолдауға дән ризамыз» десті.