Аймақтар • 30 Қазан, 2019

Имандылық – адамгершілік кепілі

58 реткөрсетілді

Семейдегі Қазақстан Инновациялық Академиясы білікті маман, білімді студент даайындап, оқытуда үздіктердің қатарында көрініп келе жатқан беделді оқу орны. Жақында аталмыш оқу орнында Елбасы Нұрсұлтан Назарбаевтың «Рухани жаңғыру» мақаласына орай «Имандылық адамгершілік кепілі» атты дөңгелек үстел ұйымдастырды.

Дөңгелек үстелдің мақсаты – академия студенттерін имандылыққа, инабаттылыққа, ауызбіршілікке шақыру. Академия ректоры, ғалым Берік Қайыпханұлы жиналғандарға Алаш астанасы болған Семей қаласының тарихынан сыр шертті және алашордашы Міржақып Дулатұлының «Оян, қазақ!» шығармасының маңыздылығына тоқталып өтті.

Сондай-ақ «Педагогика және әлеуметтік ғылымдар» кафедрасының меңгерушісі Жанна Гажкенқызы дөңгелек үстелді ұйымдастырушы студенттерге осындай маңызды тақырыпты тереңінен қозғап ұйымдастыру мәселесіне орай ақыл-кеңестерін айтты. Дөңгелек үстелге белсенді студенттер атсалысып, дін, иманшылық тақырыбына көбірек тоқталды. Олардың сөзін қолдаған Қазақстан Инновациялық Академиясындағы тарихшы маман, дінтану пәнінің ұстазы Жұлдыз Асқарұлы ой саларлық пікірлерін айтып, жастарды бағыттап отырды. Ал ұзақ жылдардан бері ұстаздық жолда еңбек етіп келе жатқан психолог ұстаз, профессор  Бағлан Иманғалиқызы ораза ұстау, намаз оқудағы психологиялық ерекшеліктерге тоқталды.

- Біздің еліміз Конституцияда зайырлы, құқықтық мемлекет деп жазылған, сондықтан да 130-дан астам ұлт пен ұлыс тұратын қазақ жерінде татулық басты қағидат. Мемлекетте заң бойынша белгіленген білгілі бір нақты дінді тұтыну әр азаматтың діни бостандығы, сенімі және еркіне байланысты. Дінді зорлап, таңуға болмайды. Мемлекет тарапынан Құрбан айт сияқты мерекелер заңды түрде белгіленген. Оны еліміз ата-бабамыздың салт-дәстүріне сай атап өтеді. Кейде адамдар ораза тұтуды «күнәдан арылу» деп емес, салмақ тастасам, дене бітімімді сұлуландырсам деп ұстанып жатады. Бұл меніңше дұрыс емес. Жалпы, намаз оқу, ораза тұту үшін адам психологиялық жағынан дайын болуы, қабілеті, ақыл-ойы жетік болып, толысуы қажет,- деді Бағлан Иманғалиқызы.

 

Cемей

 

Соңғы жаңалықтар

Күлкі керуені № 21

Руханият • Бүгін, 10:41

Шағаман батыр

Тарих • Бүгін, 07:28

361 лифт ауыстырылады

Аймақтар • Бүгін, 07:18

Өңірдегі өнегелі іс

Қоғам • Бүгін, 07:17

Ірі есеппен басым түсті

Спорт • Бүгін, 07:00

«Цунамиді» сұлатып салды

Кәсіпқой бокс • Бүгін, 06:56

Астың дәмін келтірген

Аймақтар • Бүгін, 06:53

Сайрайды бұлбұл...

Руханият • Бүгін, 06:51

Ізі айқын, ісі мығым

Қоғам • Бүгін, 06:49

Ұқсас жаңалықтар