Дүниежүзілік біріншілікте 125 кило салмақта сынға түскен отандасымыз бастапқы бәсекеде жапониялық Тайки Ямомотодан (8:2) басым түскенімен, келесі кездесуінде ирандық Аббас Зареден (7:17) ұтылды. Парсы балуаны финалға шыққаннан кейін жерлесіміз жұбаныш бәсекесіне қатысуға мүмкіндік алды. Жұбаныш белдесуінде Юсуп Молдова спортшысы Самхан Джабраиловты (14:4) жеңіп, қола жүлде үшін өткен бәсекеде грузиялық балуан Зурико Урташвилиді 13:2 есебімен айласын асырып, жарыстың қола жүлдесіне ие болды.
Айта кетейік, бұған дейін әлем чемпионатында тағы бір қазақстандық балуан Адлан Асқаров ел қоржынына күміс жүлдені салған болатын.
