Шара барысында тұрғындардың арыз-шағымдарын, ұсыныстарын тыңдап, шешу жолдары қарастырылып, бірқатар кеңес берілді. Тұрғындардың басым көпшілігі аулада бейнекамера орнату жолдары, көліктерді дұрыс тұраққа орналастыру заңдылығы, балалар қауіпсіздігін қамтамасыз етудегі мәселелер және жаяу жүргіншіге арналған жаяу жүргіншілер жолын салу, ауладағы қаңғыбас иттерден сақтану жөнінде инспекторлармен сұрақ-жауап алмасты.
Тұрғындар полицияның жұмысын жақсарту мақсатына қосар ұсыныс анкетасын белсене толтырып, бұл шараның тиімділігін айтып, Ақтау қалалық Полиция басқармасының бірінші орынбасарына алғыстарын білдірді.
Полиция департаменті мен Ақтау қаласы ПБ фронт- офисінде сұрағына жауап іздеген бірнеше тұрғын Маңғыстау облысы ПД басшысының міндетін атқарушы полиция полковнигі Халмурадов Амангелді Хайырмухамедұлымен тікелей кездесіп, тұрғындардың бірқатары өз мәселесін шешуге тиімді жол тапты.
Жаңа технологияның дамуымен Департаменттің арнайы тікелей әлеуметтік желілерінен де көптеген сұрақтар түсіп, жүгінушілерге жауаптар жолданды.
Акция Ақтау қаласындағы шағынаудандарда жалғасуда.
