Аймақтар • 17 Қараша, 2019

С.Трұмов тұрғындар сауалдарына жауап берді

85 реткөрсетілді

«Маңғыстау» арнасында  облыс әкімі Серікбай Трұмов «Әкім сағаты» бағдарламасы аясында өңір тұрғындарының сауалдарына жауап берді. Бұл туралы Маңғыстау облыстық Ішкі саясат басқармасы БАҚ бөлімі хабарлады. Облыс халқын толғандырған басты дүниелер – облысішілік, ауданішілік және қалаішілік жолдардың жай-күйі, жолаушылар тасымалын жүйелі ұйымдастыру мен қоғамдық көліктерді жаңарту, жаңа шағын аудандардың инженерлік инфрақұрылымын жасақтау, сондай-ақ білім беру жүйесіндегі олқылықтарды жою, денсаулық сақтау саласындағы сапалы қызмет пен халықты жұмыспен қамту мәселелері әрі қаланың болашақтағы даму жоспары еді. Облыс әкімі тұрғындар тарапынан түскен түйіткілді мәселелер төңірегіндегі сауалдарға тұшымды жауап берді.

90 минутқа созылған тікелей эфир барасында облыс әкіміне жүздеген сауал келіп түсті. Мәселен, алдағы жылы тозығы жеткен көліктер 18 автобуспен алмастырылады. Солтүстік-батысқа қарай қанат жайған қала аумағында қоғамдық көлік қатынайтын жаңа бағыттар пайда болады. Қазіргі таңда жолаушылар тасымалын үздіксіз жүргізу мақсатында автобустардың жол жүру бағыттарына бірқатар өзгерістер енгізу көзделген.
Сапасыз жол қала келбетіне сызат түсіреді. Қауіпсіздікке де қатер төндіреді. Сол себепті биыл 5 шағын ауданның ішкі жолдарын ағымдағы жөндеу жұмысына 6 млн. теңге бағытталған. Шұқыр-тесіктерді жамау, тегістеу бойынша қауырт жұмыстың қазіргі таңда 90 пайызы толық орындалған.
Облыс әкіміне ең жиі жолданған сауалдардың бірі – қала тазалығы. Тұрғындар қордаланған қалдықтар мен күл-қоқыстан арылту ісімен айналысатын мекемелер қызметіне көңілі толмайтындығын да жеткізді. Қазіргі таңда қала тазалығына жауапты мекемелермен жүйелі жұмыстар жүргізілуде. Күл-қоқысты жинайтын арнайы техниканың жеткіліксіздігі мәселенің туындауына басты себепші болып отыр. Облыс әкімі бұл бағытта бірқатар іс-шаралар іске асатындығын жеткізді.
Сондай-ақ «Әкім сағатында» облыстағы өзге қалалар мен аудандардағы ең өзекті мәселелер сөз болды. Жаңаөзен қаласындағы апатты жағдайдағы үйлерді күрделі жөндеуден өткізу үшін арнайы іс-шаралар жоспары жасақталған. Өзекті мәселе Жаңаөзен қаласының әлеуметтік-экономикалық дамуының кешенді жоспарына енгізілген. Алдағы жылы Құрық ауылында кәріздік тазарту жүйесін салу жоспарланған. Таяуда мемлекеттік жекеменшік әріптестік аясында «Реал Строй» мекемесі арқылы кәріз тазарту имаратының жобалық-сметалық құжаттамасы жасақталып, құрылыс жұмыстары жүргізілетін болады. Сондай-ақ, Атамекен ауылдық округі мен Басқұдық ауылдық округтерінің жерасты суларын жою және 2016 жылы жауын-шашынның көп түсуіне байланысты, жауын суларын ауыл сыртына шығару мақсатында дренаж жүйесін жүргізу үшін жобалық сметалық құжаттары жасақталды. Алдағы уақытта аталған жобаны сәтті жүзегеге асыру көзделген. Бұдан бөлек, бағдарлама барысында облыстың даму бағдары бойынша бірқатар маңызды дүниелер сөз болды. Сондай-ақ өңір басшысы өлкенің өрісті өркендеуіне өзгеше серпін беру, экономиканы әртараптандыру мақсатында өндіршу әрі өңдеуші өнеркәсіп саласына қолдау көрсету, орта және шағын кәсіпкерлікті дамыту, халықтың тұрмыс сапасын жақсарту, технологиялық жетістіктерді ел игілігіне бағыттау арқылы қоғамның кез келген мүшесіне қолайлы орта құру төңірегінде кеңінен ой-пікір өрбітті.

Сондай-ақ, өңір басшысы ардагер журналист Жоламан Бошалақ,
Қожахмет Демеуберген және «Маңғыстау» телеарнасының ұжымымен кездесіп арнаға қатысты ұсыныс, пікірлерін тыңдады.

Соңғы жаңалықтар

Басылым басшылары - Смағұл СӘДУАҚАСОВ (1900-1933)

Басылым басшылары • Бүгін, 16:53

Алматыда Абай клубы ашылды

Руханият • Бүгін, 16:22

Басылым басшылары - Бернияз КҮЛЕЕВ (1899-1923)

Басылым басшылары • Бүгін, 14:55

Басылым басшылары - Тәмимдар САФИЕВ (1892-?)

Басылым басшылары • Бүгін, 11:28

Атыраулықтар тағы да үздіктер қатарында

Аймақтар • 13 Желтоқсан, 2019

Тәуелсіздік – тұғырым

Аймақтар • 13 Желтоқсан, 2019

Ұқсас жаңалықтар