Семинар кеңесті «Мұнайтелеком» ЖШС-ның бас директоры Мұқашев Ербол Мырзағалиұлы ашып, сыбайлас жемқорлық туралы кіріспе сөз сөйледі.
Ол қазіргі кезде сыбайлас жемқорлық әлемнің кез келген елінде оның саяси дамуына байланыссыз, оның ішінде Қазақстанда да, әлеуметтік құбылыс ретінде өмірін жалғастырып келетінін және ол тек ауқымдылығымен ғана ерекшеленетінін айтты. Сыбайлас жемқорлық әлеуметтік-экономикалық даму үдерісін, нарықтық экономиканың құрылуын, инвестицияларды жан-жақтан тарту процесін тежейтінін баяндады.
Шараға лектор ретінде шақырылған Сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің алдын алу және парасаттылық басқармасының бас маманы Мұқатай Нұргүл Тұрлыбайқызы Президенттің 2019 жылғы 13 маусымдағы №12 жарлығы негізіндегі өзгерістер, Агенттіктегі жаңа құрылымдары, Парасаттылық департаментінің миссиясы туралы түсінік берді.
Жиын барысында сыбайлас жемқорлыққа қарсы заңнама талаптары, жемқорлық әрекеттеріне жол берген жағдайдағы жалпы жауапкершілік туралы баяндалды.
Шара соңында сыбайлас жемқорлық қылмыс жасап, жасаған қылмысы үшін темір тордың арғы жағында жазасын өтеп жүрген жандар туралы видеофильм көрсетілді. Олардың жасаған іс-әрекетіне өкінетіні туралы өз аузымен айтқан ашық әңгімесі көпке ой салды.
