Әлем • 16 Желтоқсан, 2019

Қазақстан Парламентінің депутаттары Азия Парламенттік Ассамблеясының шараларына қатысты

126 рет

көрсетілді

1 мин

оқу үшін

Қазақстан Республикасы Парламенті Сенаты Экономикалық саясат, инновациялық даму және кәсіпкерлік комитетінің мүшесі Әлімжан Құртаев пен Мәжіліс депутаты Сәкен Қаныбеков Азия Парламенттік Ассамблеясы Атқарушы кеңесінің 2-ші кездесуі мен «Азия парламенттері арасындағы көпжақты ынтымақтастықтың рөлі» тақырыбы бойынша өткен 12-ші жалпы отырысына қатысты.

Egemen Qazaqstan

Қазақстан Парламентінің депутаттары Азия Парламенттік Ассамблеясының шараларына қатысты

14-16 желтоқсан күндері Анталья қаласында (Түркия) өткен осы шаралар барысында сондай-ақ АПА Президенті мен вице-президентінің сайлауы, тұрақты комитеттердің отырыстары өтіп, ассамблеяның Бас хатшысы мен тұрақты комитеттері төрағаларының баяндамалары тыңдалды.

Шара қорытындысы бойынша Анталья декларациясы қабылданады. Жалпы отырысқа Азия аймағындағы 22 елден келген парламенттер мүшелері, Парламентаралық Одақтың төрағасы Габриела Куэвас Баррон және ИЫҰ Палламенттік Одағының басшылығы қатысты.