1911-1915 жылдары Троицк қаласындағы Уәзифа медресесiнде, Қостанайдағы орысша-қазақша мектепте, Уфадағы Ғалия медресесiнде бiлiм алады. 1916-1919 жылдары мұғалiм болады, жазушылықпен шұғылдана бастайды. “Қазақ”, “Ауыл” газеттерi мен “Айқап”, “Садақ” журналдарына жазып тұрады.
Б.Майлин “Еңбекшiл қазаққа” “Еңбек туы” болып тұрған кезде-ақ атсалыса бастаған. Алғаш мақалаларымен қатысқан ол әдеби қызметкер, бөлiм меңгерушiсi, хатшысы да болған, редакторлыққа дейiн өскен. Бiрақ көп iстемеген. 1920-1922 жылдары газеттi жасауға алғаш шығарушылар алқасы басшылық жасап, кейiн жекелеген тұлғалар келе бастаған тұста басылымға Б.Майлин секiлдi жетiсегiз адам жетекшiлiк еткенi мәлiм. 1923-1925 жылдары қостанайдағы губерниялық “Ауыл” газетiн шығарады. Сонан кейiн қайтадан “Еңбекшiл қазаққа” ауысады, қазақстан АПП-ын ұйымдастыруға қатысады. 30-шы жылдары “Ауыл тiлi”, “Қазақ әдебиетi” басылымдарының бас редакторы болып iстейдi.
Б.Майлин – қазақ әдебиетiн өркендетуге елеулi үлес қосқан қаламгерлердiң бiрi. Барлық жанрда атсалысқан жазушы 1938 жылы жазықсыз тұтқындалып, қызыл қырғынның құрбаны болып кете барды.
