Сұхбат • 22 Қаңтар, 2020

Талапты жетер мұратқа

32 реткөрсетілді

Президенттік жастар кадр ре­зер­­віне мүшелікке қабыл­дан­­ған азаматтар жауапты қыз­мет­терге орналаса бас­таға­ны бел­гілі. Мемлекет басшысы Қасым-Жомарт Тоқаев зор үміт артқан мұндай жас­тардың қа­тарында Ержан Әбілханов та бар. Бүгінде Атырау облысы әкі­мінің орынба­сары лауазымын абыроймен атқа­рып отырған аза­матпен әңгі­мелес­кен едік.

– Президенттік жастар кадр ре­зер­­віне мүшелікке өту үшін нендей сыннан өттіңіз?

– Pkrezerv.kz сайтында Пре­зидент­тік жастар кадр резервіне өті­ніш қа­был­данатынын естіген соң, ба­ғым­ды сынап көруге бел байладым. Тір­келіп, өтініш бердім. Өтініш қа­был­данған соң, қатысушы 5 іріктеу кезеңінен өтуі керек екен. Алғашқы 4 кезең онлайн-режімде жүргізілді. Кан­ди­даттардың қабілеттерін тесті­леу, тес­тілеуді верификациялау, жобалар­ды ұсыну және эссе жазу. Жоба ұсыну кезеңін­де өз саламыз бойынша түйіні тарқа­маған мәселенің оң шешімін табу жолын қарастырдық. Ал жобам жер­гілікті қамту мәселесіне қа­тыс­ты еді.

– Қолға алған жобаңыз нені көз­дей­­ді?

– Ол кезде Мұнай және газ ақпа­рат­тық талдау орталығы басшысының орынбасары, сарапшы болдым. Есте­ріңізде болса, былтыр қыр­күйекте Президент Қ.Тоқаев Аты­рау қаласына жұмыс сапарымен ке­ліп, ірі мекемелердің жабдық сатып алу, жұмысқа қызметкерлерді қа­былдау ісіндегі қазақстандық кә­сіп­керлер мен азаматтардың үлесі көп болуына қатысты мәселе көтер­ген болатын. Сол сапарында Мем­ле­кет басшысы Тengizchevroil, «Қар­ашы­ғанақ Петролеум» сынды ірі компаниялардың басшылық қызметінде қазақстандық азаматтар болуы керектігін алға тартты. Міне, Президенттің осы бастамасын жү­зе­ге асыруға қатысты Жол картасы есебінде жобаны қолға алдым. Ұсын­ған жобам да сол болды.

– Өзің таңдаған салада қол жет­кіз­ген табыстарыңның біріне тоқ­та­лып өтсең.

– 2010 жылы Ресейде мұнай сала­сын­дағы компанияда қызмет еттім. Компанияның сол кездегі шешілмей жүрген мәселесі – өндірілетін мұнай­дың айлық жоспарын шығару болды. Мұнай көлемі дұрыс есептелмеген, көп не болмаса аз болған жағдайда компания ауқымды айыппұл төлеуге мәж­бүрленетін еді. Көп жағдайда қолмен санауға тура келді. Сол кезде біз арнайы жұмыс тобын құрып, АҚШ, Ұлыбритания, Нидерланд елде­рінен келген және жергілікті ресей­лік мамандармен бірлесе отырып, мұнай көлемін есептеудің толық циклді мо­де­лін жасап шығардық. Нәти­же­сін­де, компания 15 жылда алғаш рет айыппұлдан арылған болатын.

– Жастар кадр резервіне мүше­лік­ке өткен кезде қандай сезімде бол­дыңыз?

– Әрине қуанышымда шек бол­мады. Қуанышпен қатар, өз мүм­кін­дігіме, қабілет-қарымыма деген сенім­ділік пайда болды. Жоғарыда айтқа­нымдай, Президенттік жастар кадр резервіне мүшелікке өтініш берген кезде Мұнай және газ ақпараттық тал­дау орталығы басшысының орынбасары болсам, үш айға созылған ірік­теу кезеңі барысында Энергетика минис­трлігіне қарасты Жер қойнауын пайдалану департаментінің директоры болып тағайындалдым. Ал енді Президенттік жастар кадр резерві құра­мына қабылданғаннан кейін 17 қаң­тардан бастап Атырау облысы әкі­мінің орынбасары лауазымына та­ғайын­далдым.

– Алдағы мақсатыңыз қандай?

– Ендігі арман-мұратым туған хал­қыма абыроймен қызмет етіп, өзіме артылған сенімді ақтай білу. Бұған дейін жиған тәжірибемді, алған білімімді ел игілігі жолында жұмсауға ба­рымды саламын.

– Әңгімеңізге рахмет.

 

Әңгімелескен

Рауан ҚАБИДОЛДА,

«Egemen Qazaqstan»

 

Соңғы жаңалықтар

Бейбітшілікке үндейтін бастама

Аймақтар • Бүгін, 11:03

Мол өнім кепілі - сапалы тұқымда

Аймақтар • Бүгін, 09:05

Еңбекақы көлемін ұлғайтты

Аймақтар • Бүгін, 07:26

Бабыр баба шапаны

Таным • Бүгін, 07:23

Олар ешкімнен кем емес

Руханият • Бүгін, 07:18

Жалғыз қолмен жиһаз жасайды

Аймақтар • Бүгін, 07:17

Заманауи кәріз жүйелері керек

Аймақтар • Бүгін, 07:13

Сергелдеңге салған сертификат

Аймақтар • Бүгін, 07:02

Сазгердің «Мәңгі көктемі»

Таным • Бүгін, 06:58

Ер қазақ еді Ераға

Таным • Бүгін, 06:56

Еліміздегі ең алып кітап

Аймақтар • Бүгін, 06:55

Тағайындау

Президент • Бүгін, 06:50

Жұрт тілегі назарға алынды

Аймақтар • Бүгін, 06:24

Сот ісін жүргізу цифрландырылады

Парламент • Бүгін, 06:13

Ұқсас жаңалықтар