Руханият • 22 Қаңтар, 2020

Ұлы хакім ұлағаты ұрпаққа үлгі

36 рет көрсетілді

Биыл қазақ әдебиетінің алыбы Абай Құнанбайұлының туғанына 175 жыл. Жуырда Қазақстан Республикасының Президенті Қасым-Жомарт Тоқаевтың «Абай және ХХІ ғасырдағы Қазақстан» атты кең көлемді мақаласы жарияланған болатын. Сонымен қатар Президент тапсырмасымен халқымыздың ұлы перзентінің мерейтойын лайықты түрде атап өту үшін мемлекет көлемінде және халықаралық деңгейде ауқымды іс-шаралар ұйымдастырылуда.

Хакімнің мерейтойына орай, Ш.Уәлиханов атындағы Жамбыл облыстық әмбебап-ғылыми кітапханасында «Абай мұрасы» атты тұрақты кітап көрмесі ұйымдастырылды. Мұнда Абай шығармалары, ақын жайлы жазылған кітаптар, мақалалар, ғылыми зерттеу еңбектері қойылған. Ойшылдың мол мұрасына қызығушылар аталған көрмеге көптеп келуде. Кез-келген оқырман кітапханаға келіп, ұлы ақынның ұлағатты мұраларымен, ол туралы жазылған еңбектермен таныса алады. Сондай-ақ аталған көрме қатарында Президент Қасым-Жомарт Тоқаевтың жақында республикалық «Egemen Qazaqstan» газетінде жарияланған «Абай және ХХІ ғасырдағы Қазақстан» және Президенттің Баспасөз хатшысы Берік Уәлидің «Абай мен Алаш» атты мақалалары да бар.

Кітапхана қызметкерлері алдағы уақыттарда Абай Құнанбайұлының өлеңдері мен қарасөздерін оқып, әндерін орындап, облыстың барлық кітапханаларына челлендж эстафетасын жолдайды. Сондай-ақ кітапханашылар жыл бойы оларды фейсбук, инстаграм әлеуметтік желілеріне тұрақты түрде жариялап тұратынын айтты. «Кітапхананың кітап қорындағы құнды басылымдарды пайдалана отырып, хакім Абайдың кітаптары мен ақын туралы жазылған еңбектерден бекстейдж әзірленеді. Олар да әлеуметтік желілерге жыл бойы жарияланып тұратын болады. Абай поэзиясы – даналықтың, махаббат пен адалдықтың поэзиясы, оның мол мұрасын жаңаша ұғыну жалғасып, кітапхана өз оқырмандарына Абай мұрасын насихаттау жұмысын тыңғылықты түрде жалғастыра береді» дейді кітапхана директоры Эльмира Абдинова.

Соңғы жаңалықтар

Семейге «Сергек» орнатылады

Аймақтар • Бүгін, 14:56

Әкім ақынға құрмет көрсетті

Аймақтар • Бүгін, 14:52

Алматыда халықаралық форум өтті

Аймақтар • Бүгін, 14:27

Коронавирусқа тағы 51 адам шалдықты

Коронавирус • Бүгін, 09:18

Ұқсас жаңалықтар