Тараздық тұрғындарды шаһарда бастау алған тың бастамаларға қолдау білдіруге шақырды. Сонымен қатар, Жамбыл облысының әкімі Асқар Мырзахметовтің бастамасымен салынып, пайдалануға беріліп жатқан пәтерлер мен жатақханаларға да ерекше тоқталды.
Алайда Таразда тындырымды тірліктер көп болғанымен, мәселелері де баршылық. Тараз қаласының тұрғындары Айтқазы Қарабалаевқа сауалдарын жолдап, жер телімінің, тұрғын үй кезегінің алға жылжымайтынын айтты. Сондай-ақ тұрғындар тұрғын алқаптардағы жол, жаяу жүргіншілер жолы, ол жерлерге жол белгілерін орнату, қоғамдық көлік қатынасы, балалардың спорт алаңшаларының құрылысы және арықтарды ағын сумен толтыру мәселелерін де көтерді. Қала әкімі Айтқазы Қарабалаев бұл мәселелердің алдағы уақыттарда кезең-кезеңімен шешімін табатынын, бірінші кезекте қалаға қосылған «Шөлдала» аумағында орналасқан 28 саяжайдағы тұрғындардың тұрмыстық-әлеуметтік мәселелеріне басымдық берілетінін жеткізді.
Жамбыл облысы
