Іс-шараға Қазақстан Республикасы Сыртқы істер министрінің орынбасары Марғұлан Баймұхан бастаған қазақстандық делегация қатысты.
Освенцим салтанаты Польша Президенті Анджей Дуданың қамқорлығымен ұйымдастырылды. Іс-шараның басты қонақтары - концлагерьдегі тірі қалған тұтқындар алдағы уақытта мұндай оқиға қайталанбас үшін өздерінің басынан кешкендері туралы айтуды өздерінің міндеті деп санайды. Естеліктердің ауырлығына қарамастан, олар жыл сайын дерлік Освенцимге нацистердің қорқынышты қылмыстары туралы куәлік етуге келеді. Концентрациялық лагерьде қаза тапқандарға арналған ескерткіштің жанында жерлеу рәсімі және түрлі конфессиялар өкілдерінің дұғалары өтті.
«Аушвиц – Биркенау» (Освенцим) - ең үлкен және ұзақ жұмыс істеген нацистік құрбандықтардың лагері, сондықтан ол Холокосттың басты белгілерінің біріне айналды. 1941-1945 жылдары Освенцимде 1,4 миллионға жуық адам, оның ішінде 1,1 миллионға жуық еврей қайтыс болған. Лагерь 1945 жылы 27 қаңтарда маршал Коневтің басқаруындағы әскерлермен босатылды. 1947 жылы бұрынғы фашистік концентрациялық лагерь «Освенцим - Биркенау» орнында музей құрылды. 1979 жылы ол ЮНЕСКО-ның бүкіләлемдік мұра тізіміне енгізілді.
27 қаңтар - Лагерьді босату күні - БҰҰ Бас ассамблеясының шешімімен 2005 жылы Халықаралық Холокостты еске алу күні болып жарияланды.
