Президент • 15 Ақпан, 2020

Қасым-Жомарт Тоқаев «Siemens AG» Басқарма төрағасы Джо Кэзермен жүздесті

263 рет
көрсетілді
1 мин
оқу үшін

Президент Қасым-Жомарт Тоқаев Германияға жұмыс сапары аясында Siemens AG компаниясының Басқарма төрағасы Джо Кэзермен кездесті.

Қасым-Жомарт Тоқаев «Siemens AG» Басқарма төрағасы Джо Кэзермен жүздесті

Мемлекет басшысы қазіргі кезде елімізде цифрландыруға қатысты көптеген жақсы бастама қолға алынғандығын, сондай-ақ бұл салада атқарылатын істер әлі де аз еместігін атап өтті.

«Көптеген жақсы бастамалар қолға алынғанымен, нәтиже әлі де қуантпайды. Біз алға жылжығымыз келеді» деді Қасым-Жомарт Тоқаев.

Осы орайда ҚР Президенті бұл салада тәжірибені жетілдіру қажеттігі бар екенін қадап айтты. «Цифрландыруды жетілдірмей, ірі жобаларды іске асыру мүмкін емес. Сондықтан бұл салада да жаңалықтар енгізілгенін қалаймыз», - деді Мемлекет басшысы.

Джо Кэзермен Қазақстанның даму қарқыны таң қалдыратынын жеткізді. Оның ойынша, мемлекеттің цифрландыру саласында жақсы жетісітіктерге жетуге мүмкіндікері мол.

«Siemens AG» компаниясы элетротехника, электроника, энергетикалық жабдық, көлік, медициналық құралдар, сондай-ақ өнеркәсіп пен байланыс салаларында қызмет көрсетіп келеді. Бүгінде олар Германия және Еуропалық одақтағы ірі индустриалдық концерн болып саналады. 1847 жылы негізі қаланған компанияның штаб-пәтері Мюнхен мен Берлинде орналасқан. Бүгінде 200-ден астам елде 289 кәсіпорны жұмыс істеп келеді. Қызметкерлерінің жалпы саны 385 мыңнан асты.

Соңғы жаңалықтар

Су үнемдейтін қондырғы

Технология • Кеше