Білім және ғылым министрлігінің бекіткен жұмыс кестесіне сәйкес, 27 шілде мен 10 тамыз аралығында «Балдәурен» республикалық оқыту-сауықтыру орталығы базасында «Достықтың алтын көпірі» ауысымында Қазақстан халқы Ассамблеясының жас өкілдерімен кездесу болып өтті.
Білім және ғылым министрлігінің бекіткен жұмыс кестесіне сәйкес, 27 шілде мен 10 тамыз аралығында «Балдәурен» республикалық оқыту-сауықтыру орталығы базасында «Достықтың алтын көпірі» ауысымында Қазақстан халқы Ассамблеясының жас өкілдерімен кездесу болып өтті.
Қазақстандағы барлық халықтың ынтымағы мен достығын, бейбітшілікті, сабақтастықты, бірлік пен қазақстандық патриотизмді нығайтуға бағытталған «Достықтың алтын көпірі» шарасы ынтымақ пен достық рәуіште өтті. Міне, 11 жылдан бері «Достықтың алтын көпірі» ауысымы осындай мазмұнда өткізіліп келеді. Оның басты мақсаты – халықтардың этномәдени негізінде танымдық және қолайлы орта туғызу болып табылады. Ең бастысы, бұл еліміздің түкпір-түкпірінен демалуға келген барлық балалардың басын біріктіру және топтастыру. Сондықтан да аталған іс-шараның бағдарламасы жалпыадамзаттық құндылықтар – достық, әділдік, ынтымақтастық, ізгілік, өзара құрмет пен сүйіспеншілік екенін сезінуіне құрылған. Бұған алыс және жақын шетелдерден, яғни Ресей Федерациясының Санкт-Петербург қаласынан, Өзбекстаннан, Қырғызстаннан, Моңғолиядан, Қытай мен Израилден қазақ диаспорасының балалары шақырылған.
Ауысымның басында-ақ балалар орталықтың жалпы шараларына белсенді кірісіп кетті. Ауысымды әзірлеуде біз игі дәстүрді ұстандық. Өйткені, тек бізде ғана жастардың арасында дәстүрлерді жалғастырудың бірегей мүмкіндіктері бар. Сонымен қатар, біз жастармен жұмыс істеудің жаңа үлгісін жасаушы болдық.
Ауысым аясында балалар дөңгелек үстел басында меймандар – «Шалқар» қазақ радиосының редакторы Әсел Ергешпен, қазақ эстрадасының әншісі Жаңабай Өтегенмен және «Дарын» мемлекеттік жастар сыйлығының лауреаты, домбырашы Мұрагер Сауранбаевпен кездесті. Кездесуде балалардың өздерін қызықтырған сұрақтар қоюына да мүмкіндік жасалды.
Ауысым барысында түрлі халықтардың мәдени күндері де аталып өтілді. Балалар әртүрлі тақырыптарға аса қызығушылық танытумен болды. Радиодан ұлттар мен ұлыстардың мәдениеті жайында қысқаша ақпараттар беріліп, күні бойы әртүрлі шаралар, ойындар, конкурстар ұйымдастырылды. Бұл шаралардан асхана қызметкерлері де тыс қалмай, ұлттық мәдениеттер күні олар әрбір ұлттың тағамдарын әзірледі. Балалар арасында түрлі спорттық ойындар өткізіліп, олар галерея мен киіз үйдегі этнографиялық мұражайды тамашалады.
Ауысым қорытындысы бойынша өткізілген гала-концертте барлық көрсетілімдер сахнаға шығарылды. Гала-концертті Ресей Федерациясынан (Санкт-Петрбург) келген қонағымыз Салтанат Қадырсейітова «Балбырауын» күйімен, Өзбекстандағы қазақ мәдени орталығының өкілдері Клара Садырбаева мен Үсен Шындәулетов «Сұлу қыз» музыкалық нөмірлерімен, Қырғызстан қазақтары ассоциациясы төрағасының орынбасары Тілеухор Бошумова және «Балдәурен» орталығының бас директоры Мұхитдин Төлепбай «Көзімнің қарасы» әндерімен әрлендіріп жіберді.
«Достықтың алтын көпірі» ауысымында Қазақстан халқы Ассамблеясының жас өкілдерімен кездесудің қорытындысы бойынша оған қатысушыларға грамоталар мен алғыс хаттар табыс етілді.
Елена ЗАРУДНИЦКАЯ,
«Балдәурен» республикалық
оқыту-сауықтыру орталығы
әдістемелік бөлімінің ғылыми әдіскері.
