20 Тамыз, 2013

Қызылордада жұмысшылар бір бөлке нан үшін төбелес шығарды

289 рет
көрсетілді
1 мин
оқу үшін

Хлеб

Қызылордада Әзербайжанның «АзерКорпу» компаниясының жұмысшылары асханада бір бөлке нанды бөлісе алмай, жергілікті жұмысшылармен төбелесті. Бұл компания аталған өңірде 2011 жылдан бері «Батыс Еуропа-Батыс Қытай» халықаралық көлік дәлізінің құрылысын салуда. Бұл туралы «Астана» телеарнасы хабарлады.

Асханадағы төбелес туралы алғашқы ақпарат облыстық ішкі істер департаментіне 16 тамыз күні түскен. Куәгерлердің айтуы бойынша, 2 жергілікті жұмысшы әзербайжандық 3 жұмысшымен сөзге келіп қалған. Ертеңіне шетелдік жұмысшылардың басым бөлігі жұмысқа шығудан бас тартады. Ал 18 тамыз күні таяқ, темір, таспен қаруланған 15 белгісіз азамат аталған компания автокөлігінің әйнектерін сындырады. «Осы оқиға бойынша Қылмыстық кодекстің 257-бабы 2-бөлігімен қылмыстық іс қозғалып, тергеу амалдары жүргізілуде. Әрі қарай іс сотқа жіберіліп, шешім қабылданатын болады», - дейді Қызылорда қалалық ішкі істер басқармасы баспасөз қызметінің жетекшісі Қалдыбек Абдуллаев.

Данияр Түймебай.