- Ұлттық банктің COVID-19 вирусының таралу ықтималдығы туралы түсінік беруге құзіреті жоқ. COVID-19 вирусын жұқтырған банкноттардың айналымға ену ықтималдығы тым жоғары емес. Бірақ банкноттарды коллекциядан кейінгі сақтау мерзімі ұзақ. Ұлттық банктің ішкі ережелеріне сәйкес екінші деңгейдегі банктерден алынған қолма-қол ақшаны қайта есептеу басталғанға дейін 45 күн ішінде және қайта есептегеннен кейін 1 жыл ішінде сақтайды, - дейді Жомарт Қажымұратов.
Сонымен қатар, Ұлттық банк өкілінің пайымдауынша, Дүниежүзілік денсаулық сақтау ұйымының мәліметі бойынша, қазіргі уақытта «вирустың таза ауадағы немесе заттар арқылы ауысу тұрақтылығы туралы» ақпарат жоқ. Коронавирустың қоршаған ортадағы тұрақтылығы бірқатар факторларға, соның ішінде температура мен ылғалдылыққа, сондай-ақ тазалыққа байланысты.
Қолма-қол ақшамен жұмыс істейтін кассирлерге қолды жиі жууға кеңес береміз. Бұл тек олар үшін ғана емес, барлық адам үшін маңызды. ДДСҰ және Қазақстан Республикасы Денсаулық сақтау министрлігі ұсынған шараларды сақтау қажет.
- Вирус таратудың ең осал төлем әдісі - онлайн режимінде қолма-қол ақшасыз төлем түрлерін қолдануды ұсынамыз. Бұл байланыс құралы ретінде коронавирустың таралуын шектейді, - деп сөзін түйіндеді Ұлттық банк өкілі.
