Кешенге ауылшаруашылық техникаларын, жеңіл автомобильдер мен ауыр машиналарды қайта өңдейтін қондырғы кіреді. Жоба алдын-ала келісіліп, Қазақстан Республикасы Экология, геология және табиғи ресурстар министрлігімен қолдау тапты. Зауыт қалдықтарды жинау және өңдеу саласындағы барлық заманауи стандарттарға жауап береді. Кластер құрамына қайта өңдеуге қабылданған көліктерден пластикалық қалдықтарды қайта өңдеу бойынша кәсіпорындар кіруі мүмкін. Болашақта жұмыс істемейтін электронды жабдықтарды жинау және жою, пайдаланылған дөңгелектерді, пайдаланылған майларды қайта өңдеу және жылу майын шығару мүмкіндігі болжанып отыр. Осы жобада кластерлік тәсілді қолдану қалдықтарды қайта өңдеу саласының дамуына оң әсерін тигізеді, сонымен бірге шамамен 300-350 жаңа жұмыс орнын құруға мүмкіндік береді. Бірқатар мамандар елімізде 2016 жылдан бастап ескі көліктердің утилизациясымен айналасып келе жатқан «Оператор РОП» ЖШС-ның әзірге бәсекелесі жоқ екендігін айтады.
