Президент • 02 Сәуір, 2020

Әскери міндеттілер арнаулы жиындарға шақырылады

280 рет
көрсетілді
1 мин
оқу үшін

Мемлекет басшысы әскери міндеттілерді арнаулы жиынға шақыру туралы Жарлық шығарды.

Әскери міндеттілер арнаулы жиындарға шақырылады

«Қазақстан Республикасының қорғанысы және Қарулы Күштері туралы» 2005 жылғы 7 қаңтардағы Қазақстан Республикасы Заңының 5-бабы 2-тармағының 11) тармақшасына сәйкес ҚАУЛЫ ЕТЕМІН:

1. Қазақстан Республикасы Қарулы Күштерінің аумақтық әскерлерін жасақтау үшін әскери міндеттілер арнаулы жиындарға шақырылсын.

2. Астананың, республикалық маңызы бар қалалардың және облыстардың жергілікті атқарушы органдары:

1) Қазақстан Республикасы Қарулы Күштерінің Бас штабымен келісу бойынша шақырылатын әскери міндеттілердің санын және арнаулы жиындарды өткізу мерзімдерін айқындай отырып, тиісті жергілікті әскери басқару органдары арқылы әскери міндеттілерді арнаулы жиындарға шақыруды жүргізуді ұйымдастырсын және қамтамасыз етсін;

2) осы Жарлықтан туындайтын өзге де шараларды қабылдасын.

3. Осы Жарлық алғашқы ресми жарияланған күнінен бастап қолданысқа енгізіледі.

 

 

Қазақстан Республикасының Президенті Қ.Тоқаев                           

 

Нұр-Сұлтан, Ақорда, 2020 жылғы 2 сәуір

                       

Соңғы жаңалықтар

Су үнемдейтін қондырғы

Технология • Кеше