Руханият • 10 Сәуір, 2020

Ынтымағың алға оздырады

26 рет көрсетілді

Бүгінгі таңда еліміз, бүкіл әлем қауымдастығы қиын-қыстау кезеңін басынан кешіріп отыр. Әлемнің 180-нен астам мемлекетіне қатар жайылып, 1,4 млн-нан астам адам жұқтырған індет салдарынан жаһандық экономика адамзат тарихы көрмеген күйзеліске душар болды.

Осындай сын-қатерлі кезеңде қо­ғамның ауызбіршілігі мен ынтымағы, сондай-ақ жоғары тәртібі дағдарыстан жедел әрі тиімді шығудың басты факторына айналды. Әлемдік тәжірибеге үңілетін болсақ, қатерлі індеттің кең етек жайып таралуына жол бермеген көптеген Шығыс Азия мемлекеттері, ең біріншіден, қоғамның жоғары азаматтық жауапкершілігі мен белсенді қолдауына арқа сүйеп, тиісті іс-шараларды ұлттық деңгейде дер кезінде жүзеге асырған болатын. Міне, осы тұрғыда Елбасы өзінің мақаласында Қазақстан халқын сабырға, байсалдылыққа және ынтымаққа үндеген болатын. Өйткені мемлекет дең­гейіндегі қабылданған шаралардың тиім­ді орындалуы қоғамның белсенді қол­дауы мен тікелей қатысуына байла-
ныс­ты.

Сондай-ақ Елбасы атап өткендей, осы дағ­дарысқа еліміз тәуелсіздік жылдарын­да іске асырылған мемлекеттік бағдарламалар мен бастамалары арқа­сын­да мейлінше дайындалып, өзінің экономикалық, саяси және әлеуметтік тұрақтылығын тиімді қалыпастырған болатын.

«Қазақстан-2050» стратегиясы, «Үде­мелі индустриялық-инновациялық даму» бағдарламасы, «Болашақ» бағдарламасы сияқты стратегиялық бас­та­малар осының дәлелі. Осыған қоса, елімізде ұзақ мер­зімді қаржылық тұрақ­тылықты қам­тамасыз ететін, мөлшері 90 млрд АҚШ дол­ларына жететін Ұлттық қор мен алтын-валюта резервтері бар. Осының бар­лығы еліміздің қиын-қыстау кезеңнен сүрінбей өту­дің маңызды алғышарттары мен кепілі болып табылады.

Сондықтан қазіргі таңда ең бастысы, еліміздің тұтастығын сақтап, түрлі арандатушы ақпаратқа алданбай, мемлекет жүзеге асырып отырған бағыт аясында жұмылу.

 

Ерлан МӘДИЕВ,

Тұңғыш Президент қоры жанындығы ӘЭСИ сарапшысы

Соңғы жаңалықтар

Алматыда жер сілкінді

Қазақстан • Кеше

Еленген ерлік

Аймақтар • Кеше

Ұқсас жаңалықтар