Дүкенге келушілердің жоғары жағынан арнайы сұйықтық бүрку арқылы оларды толықтай дезинфекцияланудан өткізетін құрылғы Ақтау қаласындағы «Еңбек« РМК-да жасалған. Ақтаудағы ірі сауда орындарының бірі «Дина» гипермаркеті бастаманы қолдап, құрылғыны ең алғашқы болып сатып алды.
Сауда орнынының дәл алдан орнатылған құрылғы мен оның жұмыс жасау тәсілі туралы «Дина» гипермаркетінің әкімшілігі Ақтау қаласы әкімінің орынбасары Серік Гусманға таныстырды.
-Төтенше жағдайға байланысты шектеулер енгізілгенімен, азық-түлік дүкендері, дәріхана, банктер жұмыстарын жалғастырады. Сондықтан қалғандарын да осындай залалсыздандыру туннельдерін орналастыруға шақырамыз. Бұл, халықтың игілігі үшін, әрқайсымыздың денсаулығымыз үшін пайдалы, деді қала әкімінің орынбасары Серік Гусман.
