Облыс орталығының 30 жасар тұрғыны бұған дейін инфекция жұқтырған әріптесімен жұмыс бабы бойынша байланыста болғандығы үшін карантиндік стационарда оқшауланған. Алынған қан талдауының қорытындысы оң нәтиже көрсеткеннен кейін ол инфекциялық стационарға жатқызылған. Ал, үй ошағы бойынша онымен байланысқан бір тұлға анықталып, зертханалық зерттеу үшін талдаулар алынуда. Ошақтарда эпидемияға қарсы тиісті өңдеу шаралары атқарылған.
Жалпы, бүгінгі жағдай бойынша Жамбыл облысының аумағында коронавирустық инфекцияның 77 жағдайы тіркелген. Оның ішінде Тараз қаласында 25, Байзақ ауданында 3, Жамбыл ауданында 4, Қордай ауданында 33, Меркі ауданында 2, Мойынқұм және Шу аудандарында біреуден. Сонымен қатар, «Дели – Тараз» рейсінің жолаушылары арасынан 6 оқиға, теңіздегі вахталық кентінен келген қызметкерлер арасында 2 оқиға анықталған.
Жамбыл облысы
