Мұның өзі өңірде ылғал мен су ресурстары тапшылығын туғызуы әбден мүмкін болып отыр. Бұл мәселені реттеуде «КазСуШар» РМК Ақтөбе филиалы су қоймасының алатын орны жоғары. Аталған гидроинженерлік кәсіпорын жазғы маусым кезінде су тапшылығын болдырмау мақсатында Ақтөбедегі ірі кәсіпорындар мен шаруаларды сумен қамтамасыз етумен айналысады.
Өткен жылы қоймаға 18-20 миллион текше метр су жиналған болса, биыл 40-60 миллион текше метр су қорын жасақтау белгіленген. Қазірдің өзінде оның отыз пайыздық мөлшері жиналып үлгерген. Қоймаға су Ілек өзені мен оның айналасындағы оннан астам кіші су ағарлардан келіп құйылады. «КазСуШар» РМК Ақтөбе филиалының басшысы Egemen.kz тілшісіне биыл су қорынан тапшылық болмайтынын, реттеу жолдары алынғанын айтып берді.
