Бұлардың бәрін серіктестік мамандары 80 мың шаршы метр аумақта орналасқан өндірістік базада дайындайды. Былтыр серіктестіктің өндіріс көлемі 8 млрд теңгені құрады. Серіктестіктің бас директоры Нұркен Есқалиевтың айтуынша, кәсіпорынның өндірістік базасында жылына 24 мың тонна металл конструкцияларын шығаруға болады.
– Біз 2016 жылы реконструкциялаудың бірінші кезеңін аяқтадық. Соның арқасында зауыттың өнімділігі 10 есеге артты. Қазір кәсіпорында 450 адам жұмыс істейді. Біздің тапсырыс берушілеріміз – Қашаған, Теңіз, Қарашығанақ кен орны секілді халықаралық жобаларда жұмыс істейтін ірі операторлар. Бұл жобалардағы компаниялардың барлығы біздің өнімдерімізді тұтынады. Биыл біз ыстықтай мырыштау цехын іске қосуды жоспарлап отырмыз. Сондай-ақ металл құрылымдары мен технологиялық жабдықтардың кешенді жеткізушісі ретіндегі позициямызды күшейтуді көздейміз, - дейді Нұркен Есқалиев.
